Oct 29, 2007

ကျွန်တော်တို့ ရွှေမန္တလေး

၁၉၅၇ ခုနှစ် မန္တလေးသင်္ကြန်ကို နောက်ခံထားပြီး ရိုက်ကူးထားတဲ့ သင်္ကြန်မိုး ရုပ်ရှင် ဇာတ်ကားအကြောင်း သူငယ်ချင်းတွေနဲ့ ပြောဖြစ်ကြတယ်။ စန္ဒယား ဆရာကိုငြိမ်းမောင် နဲ့ ခင်ခင်ထား တို့ရဲ့ ဇာတ်လမ်းလေးနဲ့ စထားတာပါ။ စာရေးဆရာ ခင်မောင်အေး(မန္တလေး)ရဲ့ မထင်မရှား ၀တ္ထုလေး တစ်ပုဒ်ပါ။ ကျွန်တော်တို့ ရွှေမန္တလေးဆိုတဲ့ အသိကို နောက်စဉ်အဆက် ဆက် မျိုးဆက်တွေရင်ထဲမှာ စွဲကျန်ရစ်စေတဲ့ ဇာတ်လမ်းလေး တစ်ခုပါ။ မြန်မာနှစ်သစ်ကူး သင်္ကြန်ကိုရောက်တဲ့ အခါတိုင်း မြန်မာ့အသံ ကနေ နှစ်စဉ်နှစ်တိုင်း ထုတ်လွင့်ပြသ ခဲ့ပါတယ်။
ဘယ်အချိန်၊ ဘယ်လို၊ ဘယ်နှစ်ခါပဲ ကြည့်ကြည့် ဘယ်တော့မှ မရိုးနိုင်တဲ့ ဇာတ်လမ်းလေးပါ။ ကြည့်ရတဲ့ သူရဲ့ စိတ်ကို ပျော်ရွှင်ကြည်နူးစေတယ်၊ မလွန်ဆန်နိုင်တဲ့ ကံတရားကြောင့် ဝေး ကွာသွားတဲ့ ကိုငြိမ်းမောင်နဲ့ ခင်ခင်ထားကို စာနာသနားမိသလို၊ ကိုငြိမ်းမောင်ကို တစ်ဖက် သက်ချစ်နေတဲ့ မြခက်အတွက်လည်း ချစ်တဲ့သူနဲ့ ပေါင်းဖက်စေရလို့ ၀မ်းသာပီတိတွေ ဝေခဲ့ ရပြန်ပါတယ်။ မိဘတွေကနေ စခဲ့တဲ့ ဇာတ်လမ်းဟာ ကိုငြိမ်းမောင်ရဲ့ သားဖြစ်သူ သက်ထွေး၊ ခင်ခင်းထားရဲ့ သမီးဖြစ်သူ မိနွယ်တို့မှာ ပြန်လည်ဆုံးဆည်းစေပြီး၊ သင်္ကြန်အတက်နေ့ သန်းခေါင်ယံ ကျော်လွန်ပြီး မြန်မာနှစ်ဆန်းတစ်ရက်နေ့ မှာ အပျော်တွေနဲ့အတူ ချစ်သူနှစ်ဦးကို ပေါင်းဖက်စေ ခဲ့တဲ့ သရုပ်ကို ပေါ်လွင်အောင် ဖော်ဆောင်ထားပါတယ်။ အဲဒီဇာတ်ကားကိုကြည့် ရတာ ရသတော်တော်များ များကို ခံစားရပြီး၊ မန္တလေးမြို့ရဲ့ အဓိကနေရာတွေ အားလုံးကိုဟာ ကွက်မရှိအောင် ရိုက်ကူးထားတော့ ကြည့်ရတာ အရသာရှိပြီး၊ ခံစားသူရဲ့ ရင်ထဲကိုတိုက်ရိုက် ရောက်စေခဲ့ပါတယ်။
နောက်ထပ် ဘယ်တော့ ကြည့်ကြည့် မရိုးနိုင်တဲ့ ဇာတ်လမ်း တစ်ပုဒ်ကတော့ ကျွန်တော်တို့ မန်းတက္ကသိုလ်ကို နောက်ခံထားပြီး ရိုက်ကူးထားတဲ့ ဒဏ္ဍာရီ ရုပ်ရှင်ကားပဲ ဖြစ်ပါတယ်။ တက္ကသိုလ် ကျောင်းသား၊ ကျောင်းသူတွေရဲ့ ပျော်ရွှင်ဖွယ်ကောင်းတဲ့ ပုံရိပ်လေးတွေအပြင်၊ ရှေးဟောင်း ယဉ်ကျေးမှုတွေနဲ့ ပြည့်နေတဲ့ ပုဂံက ပုံရိပ်တွေဘာ ထပ်ပြီး ဖြည့်ဆည်းလိုက်တဲ့ အခါ ဇာတ်လမ်းဟာ ပိုသရုပ်ပေါ်လွင်ပြီး ဇာတ်ဝင်ခန်းတိုင်းဟာ ရုပ်ကြွနေပါတယ်။ ဓာတ်ပုံရိုက် ၀ါသနာပါတဲ့ ဇင်ဝိုင်း (ဇာတ်လမ်းထဲက ဇာတ်ကောင်နာမည် မေ့နေလို့ပါ)၊ ဓာတ်ပုံရိုက် ၀ါသနာ ပါတဲ့ မေသန်းနု တို့ရဲ့ လူငယ်ဘာဝ ဆုံတွေ့ကြတယ်။ တစ်ယောက်နဲ့ တစ်ယောက် မတည့်ကြ ဘူး။ ကိစ္စရပ် တစ်ခုကို သွားတောင်းပန်ဖို့ ဇင်ဝိုင်းက မေသန်းနုတို့အိမ်ကို အသွား ခြံထဲမှာ “ မိုး ရွာမယ်ဆိုရင်လေ” ဆိုတဲ့ သီချင်းလေးကို ဆိုပြီး ပန်းပင်တွေကို ရေလောင်းနေတဲ့ မေသန်းနုရဲ့ သက်ဝင်လှုပ်ရှားပြီး အေးချမ်းတဲ့ အပြုံးတစ်ပွင့်ကို ဓာတ်ပုံ အမိအရ ရိုက်ယူနိုင်ခဲ့တယ်။ ပြုံးအလှ ပိုင်ရှင် ဆုရရှပြီးတဲ့နောက်ပိုင်း လူငယ်ချင်း ပြန်လည် သင့်မြတ်သွားကြပြီး ကိုယ်စီ အသိစိတ်တွေနဲ့ ထိန်းချုပ်နိုင်ခဲ့ကြ ဇာတ်လမ်းလေးပါ။ ကန်တော့ပလ္လင်ဘုရားပေါ်မှာ ကိုယ်စီ ထိန်းချုပ်မှုတွေနဲ့ “ပန်းချစ်သူ” စုံတွဲသီချင်း ဇာတ်
ဝင်ခန်းလေးဆိုရင် အရမ်း အသက်ဝင်လှပါ တယ်။
ဘယ်တော့ ပြန်ကြည့်ကြည့် မရိုးနိုင်တဲ့ ရုပ်ရှင် ဇာတ်ကား ၂ ကားမှာ ဘယ်သူတွေ ပါဝင် သရုပ်ဆောင်ကြလဲ၊ ဒါရိုက်တာက ဘယ်သူလဲ၊ကျွန်တော်တို့ ပြန်ကြည့်ရအောင်လားဗျာ။ ကျွန်တော် သိသလောက်ပါ။
မင်းသား --- ဇင်ဝိုင်း
မင်းသမီး --- မေသန်းနု
ဒါရိုက်တာ --- မောင်တင်ဦး
မြန်မာ ပြည်သူတွေရဲ့ စိတ်ထဲမှာ အမြဲတမ်း ရှိနေတဲ့။ ဘယ်တော့ကြည့်ကြည့် မရိုးနိုင်တဲ့ ရုပ်ရှင်ကားကို ရိုက်ကူးခဲ့သူကတော့ ဒါရိုက်တာ မောင်တင်ဦး ဖြစ်ပြီး၊ မင်းသားနဲ့ မင်းသမီးက တော့ ဇင်ဝိုင်းနဲ့ မေသန်းနုတို့ဘဲ ဖြစ်ပါတယ်။ အဲဒီ ဇာတ်လမ်း၂ခုလုံးရဲ့ ရိုက်ကွင်း၊ နောက်ခံ ရှုခင်းအားလုံးကတော့ ကျွန်တော်တို့ ရွှေမန္တလေးဘဲ ဖြစ်ပါတယ်ခင်ဗျာ။ ဖြစ်နိုင်ရင် ကျွန်တော် ဒဏ္ဍာရီ ရုပ်ရှင်ကားထဲက ဇာတ်ဝင်သီချင်းမျာကို အရမ်းလိုချင်ပါတယ် ခင်ဗျာ။ ကျွန်တော့်ရဲ့ ဘလောဒ့်ဂါ ညီအစ်ကို၊ မောင်နှမတွေဆီမှာများ ရှိခဲ့ရင် ကျေးဇူးပြုပြီး ကျွန်တော့်ကို ဝေမျှပေးပါ လို့ တောင်းဆိုပါရစေခင်ဗျာ။
မိုးစက်
28.10.2007 (11:58 PM)

ဆက်ဖတ်ရန်...

Oct 26, 2007

ဗုဒ္ဓသြ၀ါဒ (၁)

သိင်္ဂါလ သတို့သားအား မြတ်စွာဘုရား ဟောကြားခဲ့သော
သိင်္ဂါလောဝါဒသုတ် လင်္ကာများ
တလောကလုံး၊ ညွတ်ရုံးဦးချ၊ နိုင်းမမျှသား၊ ဘုရားရွှေစက်၊ ရောင်ပြိုးပြက်ကို၊ ဦးထက်တင်ထား၊ ရိုညွတ်တွား၍၊ သားနှင့်မိဘ၊ တပည့်စသည်၊ ပြုရအံ့ဝတ်၊ ချွတ်မှုပါယ်ရွာ၊ လားမည်တာကြောင့်၊ သုတ်ပါထေယျ၊ ကျမ်း၌ပြသည့်၊ လောကကျင့်ရာ၊ အကျဉ်းမှာပိမ့်၊
နတ်ရွာဘို့လုံးလုံး၊ ကျက်၍သုံး။

သားသမီးကျင့်ဝတ် ၅ ပါး
ကျွေးမွေးမပျက်၊ ဆောက်ရွက်စီမံ၊ မွေခံထိုက်စေ၊ လှူမျှဝေ၍၊ စောင့်လေမျိုးနွယ်၊ ၀တ်ငါးသွယ်၊ ကျင့်ဖွယ် သားတို့တာ။


မိဘကျင့်ဝတ် ၅ ပါး
မကောင်းမြစ်တာ၊ ကောင်းရာညွှန်လတ်၊ အတတ်သင်စေ၊ ပေးဝေနှီးရင်း၊ ထိမ်းမြားခြင်းလျှင်၊ ၀တ်ငါးအင်၊ ဖခင်မယ်တို့တာ။

တပည့်ကျင့်ဝတ် ၅ ပါး
ညီညာထကြွ၊ ဆုံးမနာယူ၊ လာမူကြိုးဆီး၊ ထံနီးလုပ်ကျွေး၊ သင်တွေးအံရွတ်၊ တပည့်ဝတ်၊ မချွတ်ငါးခုသာ။

ဆရာကျင့်ဝတ် ၅ ပါး
အတတ်လည်းသင်၊ ပဲ့ပြင်ဆုံးမ၊ သိပ္ပမချန်၊ ဘေးရန်ဆီးကာ၊ သင့်ရာအပ်ပို့၊ ဆရာတို့၊ ကျင့်ဖို့ ၀တ်ငါးဖြာ။

လင့်ကျင့်ဝတ် ၅ ပါး
မထီမဲ့ကင်း၊ အပ်နှင်းဥစ္စာ၊ မိစ္ဆာမမှား၊ ၀တ်စားဆင်ယင်၊ မြတ်နိုးကြင်၊ ငါးအင် လင့်ကျင့်ရာ။

မယားကျင့်ဝတ် ၅ ပါး
အိမ်တွင်းမှုလုပ်၊ သိမ်းထုပ်သေချာ၊ မိစ္ဆာကြဉ်ရှောင်၊ လျော်အောင်ဖြန့်ချိ၊ ပျင်းရိမမူ၊ ၀တ်ငါးဆူ၊ အိမ်သူကျင့်အပ်စွာ။

မိတ်ဆွေကျင့်ဝတ် ၅ ပါး
ပေးကမ်းချီးမြှင့်၊ ကိုယ့်နှင့်ယှဉ်ထား၊ စီးပွားဆောင်ရွက်၊ နှုတ်မြွက်ချိုသာ၊ သစ္စာမှန်စေ၊ ၀တ်ငါးထွေ၊ ကျင့်လေ မိတ်သဟာ။

ဥစ္စာပျက်ကြောင်း ၆ ပါး
သေစာသောက်စား၊ လမ်းသွားခါမဲ့၊ ရှုငဲ့သဘင်၊ ပျော်ရွှင် အန်လောင်း၊ မကောင်းမိတ်ဖျင်း၊ ပျင်းရိခြင်းကား၊ ယိုယွင်း ဥစ္စာပျက်ကြောင်းတည်း။

သေရည်သောက်ခြင်း အပြစ် ၆ ပါး
ဥစ္စာယုတ်ခြင်း၊ ငြင်းခုန်များစွာ၊ ရောဂါထူပြော၊ ကျော်စောမဲ့ထုံ၊ မလုံအင်္ဂါ၊ ပညာနည်းရှား၊ ဤခြောက်ပါးကား၊ သောက်စား သေစာအပြစ်တည်း။

အခါမဲ့ သွားလာခြင်း အပြစ် ၆ ပါး
ကိုယ်မလုံခြုံ၊ လုံခြုံကင်းငြား၊ သားမယားတည့်၊ စီးပွါးမလုံ၊ ဖြစ်တုံသံသယ၊ မှုပါပ၌၊ များကစွပ်စွဲ၊ လွန်ဆင်းရဲဟု၊ ဖြစ်မြဲခြောက်ပါး၊ အပြစ်များသည်၊ ရငြားခါမဲ့သွားပြစ်တည်း။

သဘင်ပွဲလမ်း အပြစ် ၆ ပါး
ကခြင်းတစ်လီ၊ သီခြင်းတသီး၊ မှုတ်ခြင်းတသင်း၊ ပြိန်ဖျင်းတစ်အုပ်၊ လက်ခုပ်တစ်တည်၊ အိုးစည်တစ်ဖြာ၊ ရှိရာရှာ၍၊ သွားလာကြည့်ရှု၊ ဤခြောက်ခုကား၊ ကြည့်ရှုသဘင် အပြစ်တည်း။

မိတ်ဆွေတု ၄ ယောက်
(က) ကိုယ်ကျိုးကြည့် မိတ်ဆွေတု
၁။ သူတပါးထံမှ ယူသာယူ၍ မိမိကမူ မပေးကမ်းခြင်း။
၂။ နည်းနည်းသာပေး၍ များများရလိုခြင်း။
၃။ ဘေးရောက်သည့်အခါ ခိုးကိုးရာအဖြစ် သူတပါးထံ သွား၍ လုပ်စရာရှိသမျှ
လုပ်ကိုင်ပေးခြင်း။
၎။ ကိုယ်ကျိုးအတွက် သူတစ်ပါးနှင့် ဆက်ဆံပေါင်းသင်းခြင်း။
ဤ အင်္ဂါလေးပါးနှင့် ပြည့်စုံသူကို အညဒတ္ထဟရ မိတ်ဆွေတု၊ ကိုယ်ကျိုးကြည့် မိတ်ဆွေတု ဟုခေါ်သည်။

(ခ) အပြောသမား မိတ်ဆွေတု
၁။ ရှေးက ဖြစ်ထွန်းခဲ့ဘူးသည့် စည်းစိမ်ဥစ္စာကို မပေးခဲ့ရခြင်းကြောင့် စိတ်မကောင်းကြောင်း
ပြောလေ့ရှိခြင်း။
၂။ နောင်ခါမှာ ဖြစ်ထွန်းလာမည့် စည်းစိမ်ဥစ္စာကို ပေးမည်ဟု ပြောဆိုလေ့ရှိခြင်း။
၃။ အကျိုးမရှိသော အရာဖြင့် ချီးမြှောက်ခြင်း၊
၎။ ပေးလို့ဖြစ်နိုင်သော အရာများကို တစ်စုံတစ်ရာ ပျက်စီးနေဟန် အကြောင်းပြ၍ ပေးလို့မဖြစ်
ဟု ပြောဆိုလေ့ရှိခြင်း။

မိတ်ဆွေစစ် ၄ ယောက်
(က) ကျေးဇူးပြုသော မိတ်ဆွေစစ်
၁။ မေ့လျော့သူကို စောက်ရှောက်တတ်ခြင်း၊
၂။ မေ့လျော့သူ၏ စည်းစိမ်ဥစ္စာကို စောင့်ရှောက်တတ်ခြင်း၊
၃။ ကြောက်ရွံ့နေသူ၏ အားကိုး အားထားရာ ဖြစ်ခြင်း၊
၎။ ပြုဖွယ်ကိစ္စ ရှိလာလျှင် လိုအပ်သည်ထက် နှစ်ဆ ကူညီခြင်း၊
ဤ အင်္ဂါလေးပါးနှင့် ပြည့်စုံသူကို ဥပကာရက မိတ်ဆွေစစ်၊ ကျေးဇူးပြုသော မိတ်ဆွေစစ် ဟု ခေါ်သည်။

(ခ) ဆင်းရဲအတူ ချမ်းသာအမျှ မိတ်ဆွေစစ်
၁။ သူ၏ လျှို့ဝှက်ထားသော အကြောင်းကိစ္စကို မိမိအားသာ ပြောခြင်း၊
၂။ မိမိ၏ လျှို့ဝှက်ထားသော အကြောင်းကိစ္စကို သူတပါးအား မပြောကြားဘဲနှုတ်လုံခြင်း၊
၃။ အခက်အခဲ ဘေးရန်အန္တရာယ်နှင့် တွေ့ကြုံလာလျှင် မိမိကို စွန့်ပစ်မသွားခြင်း၊
၎။ မိမိအကျိုးအတွက် အသက်ကိုပင် စွန့်နိုင်သူဖြစ်ခြင်း။

ဒါယကာကျင့်ဝတ် ၅ ပါး
မေတ္တာစိတ်သက်၊ ဆောင်ရွက်ချစ်ကြင်၊ ခင်မင်နှုတ်ချို၊၊ လိုလျှင်ဖိတ်ထား၊ တတ်အားလှူစေ၊ ၀တ်ငါးထွေ၊ ပြုလေ ဒါယကာ။

ရဟန်းကျင့်ဝတ် ၆ ပါး
မကောင်းမြစ်တာ၊ ကောင်းရာညွှန်လစ်၊ အသစ်ဟောကျူး၊ နာဖူးထပ်မံ၊ နတ်ထံတင်ရာ၊ မေတ္တာလည်းပြု၊ ရဟန်းမှု၊ ခြောက်ခု လွန်သေချာ။
ကျမ်းသိင်္ဂါလ၊ သုတ်ဝယ်ပြ၊ သုံးဝမြတ်ဆရာ။
ကျင့်ဝတ်မပြေ၊ ပါယ်လေးထွေ၊ လားလေရှည်မြင့်ကြာ။
ဤသည့်ဝတ်ကုန်၊ ဆွေမျိုးစုံ၊ ခြောက်ဘုံထက်နတ်ရွာ။

လှည်းဘီးပြင်က၊ နားစောင့်ချသို့၊ မိဘနှင့်သား၊ မယားနှင့်လင်၊ အရှင်နှင့်ကျွန်၊ ထေရ်မွန်ဒကာ၊ မိတ်သဟာနှင့်၊ ဆရာတပည့်၊ တည့်တည့်မချွတ်၊ ကျင့်ဝတ်စုံလင်၊ ဖြူသန့်စင်မူ၊ ရှင်လည်းမကွေ၊ သေလည်းမကွာ၊ နတ်ရွာလူ့ပြည်၊ လှည့်လည်အတူ၊ ခံစားမူ၍၊ နိဗ္ဗူရွှေပြည်၊ ၀င်အံ့သည်တည့်၊ မတည်ကျင့်ဝတ်၊ ချွတ်သူတို့မှာ၊ မလွတ်သာသည်၊ လေးရွာဘို့လုံးလုံး လူဖြစ်ရှုံး။

မြန်မာသက္ကရာဇ် ၁၃၆၉ ခုနှစ်၊ သီတင်းကျွတ်လပြည့်နေ့ အမှတ်တရ ….

မိုးစက်
26.10.2007 (12:10 PM)


ဆက်ဖတ်ရန်...

Oct 24, 2007

စိမ်းလန်းသော မြေပြင်မှ ကွက်လပ်လေးတစ်ခု ( ၂ )

အပိုင်း(၁) မှ အဆက် ...

ဒါပေမယ့် …… ဒါပေမယ့် ပေါ့ဗျာ….. ကျွန်တော်တို့ နှစ်ယောက် ဝေးကွာဖို့ရာအတွက် အကြောင်းတွေ ဖန်လာ ပါတယ်။ အဖေ့မှာ ညီတစ်ယောက်ရှိပါတယ်။ ငယ်ငယ်လေးကတည်းက ကိုရင်ဝတ်ပြီး သာ့သနာဘောင်ထဲမှာ ပဲ တရားအားထုတ်နေတာပါ။ အခုတော့ ဓမ္မစာရိယဘွဲ့ရပြီး မန္တလေးမှာ ကျောင်းထိုင်ဘုန်းကြီးအဖြစ် သီတင်း ဆောက်တည်နေပါတယ်။ ဦးပဉ္ဖင်းကြီးက အဖေ့ကို သတိရလို့ ဆိုပြီး မန္တလေးကနေ ကျွန်တော်တို့ ရွာကို ကုန်းတတန်၊ ရေတတန်ရောက်လာပါတယ်။ အဖေလည်း သူ့ညီတော်မောင် ဦးပဉ္ဖင်းကြီး ကိုတွေ့လိုက်ရတော့ ၀မ်းသာပြီး စကားလက်ဆုံကြလို့မပြီးတော့ပါဘူး။ ဦးပဉ္ဖင်းကြီး က အဖေကိုပြောပါတယ်။ ကျွန်တော်တို့မိသားစု ထဲမှာ ပညာရေးနဲ့ ပက်သတ်ပြီး ထူးထူးချွန်ချွန် မပါကြောင်း၊ အဲဒီအတွက် အငယ်ဆုံးသားဖြစ်တဲ့ ကျွန်တော့်ကို မြို့သို့ ခေါ်သွားပြီး ဘွဲ့ရတဲ့အထိ တာဝန်ယူချင်တဲ့ အကြောင်းတွေ ပြောပြပါတယ်။ တခဏတာ ဆွံအသွားတဲ့ အဖေ့ရဲ့ မျက်နှာဟာ အဓိပ္ပာယ်ပေါင်း များစွာကို ဖော်ဆောင်ရင်း အိမ်အ၀င် တံခါးပေါက်နားမှာ ထိုင်နေတဲ့ ကျွန်တော့်ကို လှမ်းကြည့်ပါတယ်။ အဲဒီလို ကြည့်နေရင်းမှာဘဲ ဦးပဉ္ဖင်းကြီးက မြို့မှာ ပညာရေးနဲ့ ပတ်သက်ပြီး ဘယ်လိုတိုးတက်နေတယ် ဆိုတဲ့အကြောင်း၊ ၀ါးလုံးခေါင်းထဲမှာ လသာနေတာကို အဟုတ်ကြီး ထင်မှတ်မနေ သင့်ကြောင်းနဲ့ သားသမီးတွေရဲ့ တိုးတက်ရာ၊ တိုးတက်ကြောင်းတွေကို ရှာဖွေပေးသင့်ကြောင်းကို အဖေ တို့၊ အမေတို့ နားလည်အောင် သေချာရှင်းပြနေပါတယ်။ ကျွန်တော်ဆက်ပြီး နားမထောင် ချင်တော့တာနဲ့ အားလုံး နဲ့ ဝေးရာကို ထွက်လာခဲ့ပါတယ်။

ကျွန်တော်အိမ်ပြန်ရောက်တော့ နည်းနည်း မိုးချုပ်နေပြီ။ အိမ်ရှေ့ကွပ်ပျစ်ပေါ်မှာ မအိပ်သေးဘဲ ကျွန်တော့်ကို ထိုင်စောင့်နေတဲ့ အဖေ့ကို တွေ့တယ်။ အဖေ ကျွန်တော့်ကို ဘာအကြောင်းတွေအရာကို ပြောမယ်ဆိုတာ ကျွန်တော် ကြိုသိနေတယ်။ ထင်တဲ့ အ တိုင်းပါဘဲ အဖေရဲ့ ဆန္ဒက မြို့တက်ပြီး ကျောင်းဆက်တက် စေချင် တယ်တဲ့။ စကားလုံးတွေ ရှာကြံပြီး ကျွန်တော် ငြင်းဆန်မယ် လုပ်တုန်းမှာ အဖေက မပြောစဖူး စကားအရှည် ကြီး ပြောလာတယ်။
“သား မိဘကျေးဇူးဆပ်တယ် ဆိုတာ မိဘကို လုပ်ကိုင်ကျွေးမွေးပြုစုနေမှ မဟုတ်ပါဘူး။ မိဘ စကားကို အတိ အကျ လိုက်နာတာက လည်း မိဘကို ကျေးဇူးဆပ်တာနဲ့ အတူတူပါဘဲ အခုဟာက အဖေတို့ကို လုပ်ကိုကျွေး မွေး ခိုင်းနေတာ မဟုတ်ပါဘူး အဖေ မွေးထား တဲ့ သား သမီးတွေထဲမှာ တမီးပေါက် တစ်ယောက်ထွန်းဆိုသလို မင်းကို ဘွဲ့ရပညတတ်ကြီး ဖြစ်စေချင်လို့ပါ။ ပြီးတော့ အဖေတို့ အသက်တွေလည်း အရမ်းမကြီးသေးပါဘူး။ မင်း ပညာသင်နေတဲ့ ၄၊ ၅ နှစ်အတွင်းမှာ ကျောင်းစရိတ်ကို ကောင်းကောင်း ရှာပေးနိုင် ပါသေးတယ်။ လိုရင်းပြော ရရင် မိဘရဲ့ မေတ္တာကို တုံ့ပြန်တဲ့ အနေနဲ့ အဖေတို့ ဖြစ်စေချင်တဲ့ အတိုင်း သား ကြိုးစားပေးပါလို့ ပြောချင် တယ်ကွာ”
ပြောပြောဆိုဆို နဲ့ ထထွက်သွားတဲ့ အဖေရဲ့ ကျောပြင်ကိုကြည့်ရင်း ဆွံအနေတဲ့ လူတစ်ယောက်လို ကျွန်တော် ဘာမှ ပြန်မပြော လိုက်ရပါဘူး။ စကားလုံးတွေနဲ့ ချည်နှောင်ခံလိုက်ရတဲ့ ကျွန်တော်ဟာ စိတ်တွေ မွန်းကျပ်စွာ နဲ့ဘဲ နေ့တွေ ညတွေ ကျော်ဖြတ်လာခဲ့ တယ်။ ဝေနှင်းနဲ့ တွေ့ပြီး ဒီအကြောင်းတွေကို ပြောပြတော့ သူငိုနေ တယ်။ သူ့လက်ဖ၀ါးလေး နှစ်ဘက်နဲ့ ကျွန်တော့်မျက်နှာကို ကိုင်၊ မျက်လုံးချင်းဆုံပြီး မိနစ်အတော်ကြာ စိုက် ကြည့်နေတယ်။ ဘာစကားတစ်ခွန်းမှ မဆိုဘဲ သူ့မျက်ဝန်းအိမ်ထဲမှာ မျက်ရည်တွေနဲ့ ပြည့် နှက်နေတာကို တွေ့ လိုက်ရတယ်။ ခင်ဗျားတို့ဘဲ စဉ်းစားကြည့်ပါဗျာ။ ချစ်သူနှစ်ဦးရဲ့ ရင်ထဲမှာ ဘယ်လို ခံစားနေရမလဲဆိုတာကို။ စိတ်တွေတင်းထားတဲ့ ကြားထဲကနေဘဲ ကျွန်တော်ပါ မျက်ရည်ဝဲခဲ့ရတယ်။
“ငါ တနှစ်တခေါက် ရွာကိုပြန်လာမှာပါ၊ သိပ်မကြာပါဘူးဟာ၊ တစ်နှစ်ဆိုတာ ခဏလေးနဲ့ ကုန်သွားတာပါ။ နင်ဘာဘဲ ဖြစ်နေ ဖြစ်နေ ငါရဲ့ ချစ်ဦးသူဟာ နင်ပါ။ ငါ့ နင့်ကိုဘဲ လက်ထပ်မှာပါ။ စိတ်ချပါ။ ငါ့ကို ယုံပါ ဝေနှင်းရယ် …နော် ”
ချစ်သူကို အားပေးစကားတွေ ပြောပြီး နှစ်သိမ့်နေမိတယ်။ သူကျွန်တော့်ကို စကားတစ်ခွန်းဆိုတယ်။
“ ငါ နင်ပြန်လာတဲ့ အထိ သစ္စာရှိရှိ စောင့်နေမယ် ”
ချစ်သူက ကျွန်တော့်ရင်ခွင်ထဲမှာ ခဏတာ အိပ်စက် နေတယ်။ အဲဒီလို အိပ်စက်နေရင်းနဲ့ အတူလက်တွဲပြီး အိပ်မက်ထဲက ကျွန်း လေးဆီကို ပျံသန်းခဲ့မိကြတယ်။ အိပ်မက်ထဲမှာ ကျွန်တော်တို့ အပျော်ကြီး ပျော်ခဲ့ကြ ပါ တယ်။ သြော် နှစ်ဦးရည်တူ ချစ်ကြပြီဆိုတော့ လည်း အရာရာဟာ အားလုံးလှနေတော့တာပါဘဲ။ ကြယ်ပွင့် လေးတွေကိုတောင် အဲဒီနေ့က မတွေ့ရပါဘူး။ သူတို့လည်း ရှက်လို့ပုန်း နေတယ်ထင်ပါရဲ့နော်။
အဲဒီလိုနဲ့ ဦးပဉ္ဖင်းကြီး မြို့ကိုပြန်တဲ့အချိန်မှာ ကျွန်တော့် လိုက်လာခဲ့ရပါတယ်။ ဘယ်လောက်ထိအောင် အတွေး နယ်ချဲ့ မိသလဲ မသိ ပါဘူး ရန်ကုန်မြို့ကြီးကို သင်္ဘောဆိုက်မှပဲ အတွေးတွေ ပြတ်သွားတော့တယ်။ ပြီးတာနဲ့ ရန်ကုန်ကနေ မန္တလေးကို ရထားနဲ့ ခရီးထပ် ဆက်ရပြန်တယ်။ မန္တလေးကို ရောက်တော့ ဦးပဉ္ဖင်းကြီးက သူ့ ကျောင်းကို ခေါ်သွားတယ်။ ကျွန်တော် မန္တလေးကို စပြီး ခြေချမိတာ နဲ့ တပြိုင်နက် မိသားစုနဲ့အတူ ချစ်ရတဲ့ ဝေနှင်းကိုပါ သတိရမိတယ်။ မြို့ကို စရောက်ရောက်ခြင်း မြင်သမျှ၊ တွေ့သမျှဟာ ကျွန်တော့် အတွက် အသစ် အဆန်းတွေချည်းပါဘဲ။ မြို့မှာ ရှိတဲ့ ဘုရားတွေကို ဦးပဉ္ဖင်းကြီးရဲ့ ကပ္ပိရကြီး တစ်ဦးက လိုက်ပို့ပေးတယ်။ ဦးပဉ္ဖင်းကြီးရဲ့ ဒါယိကာတစ်ဦး အကူအညီကြောင့် အမှတ်စရင်းတောင်းကြည့်တဲ့ အခါ ကျွန်တော့်ရမှတ်ဟာ ဂုဏ်ထူးရ ဘာသာတွေ ဖြစ်တဲ့ သင်္ချာနဲ့ သိပ္ပံဘာသာတွဲတွေမှာ ၉၀မှတ် ကျော်ပြီး၊ ကျန်ဘာသာရပ်တွေမှာ လည်း ဂုဏ်ထူးမှတ် နီးနေတယ်။ ဦးပဉ္ဖင်းကြီး ပြောပြချက်အရ ကျွန်တော် ရမှတ်နဲ့ဆိုရင် မန္တလေး နည်းပညာ တက္ကသိုလ် ကိုတက်နိုင်တယ်လို့ ပြောပါတယ်။ ကျွန်တော်က ဦးပဉ္ဖင်းကြီး ဆန္ဒအတိုင်းပါလို့ဘဲ လျှောက်လိုက်ပါ တယ်။ ဒါပေမယ့် တက္ကသိုလ်ကို ချက်ချင်း မတက်ရသေးပါဘူး။ ဘာလို့လဲဆို တော့ ကျွန်တော်တို့ ပညာသင်နှစ် အတွက် ၀င်ခွင့် လျှောက်လွှာတွေ မခေါ်သေးလို့ပါဘဲ။ ဦးပဉ္ဖင်းကြီး ကျောင်းမှာဘဲ ဝေယျာဝစ္စတွေ လုပ်ကိုင်ပေး နေရင်းနဲ့ အချိန်တွေ ကုန်လွန်သွားခဲ့ပါတယ်။ ကျွန်တော် လွမ်းတိုင်း၊ သတိရတိုင်း ချစ်ရတဲ့ ဝေနှင်းဆီကိုစာတွေ အဆက်မပြတ် ရေးသားခဲ့ပါတယ်။
အခုဆိုရင် ကျွန်တော် မြို့ကိုရောက်တာ ၈ လပြည့်တော့မယ်။ ပြက္ခဒိန်က ရက်စွဲတွေကို ကြည့်ရင်းနဲ့ ဝေနှင်းဆီ က စာကို ကျွန်တော် အမြဲမျှော်လင့်ခဲ့တယ်။ တစ်စောင်မှ ရောက်မလာပါဘူး။ ဘာလို့လဲ၊ ဘာအကြောင်း ကြောင့်ဆိုတာကို စဉ်းစားလို့ မရခဲ့ပါဘူး။ တဖြည်းဖြည်းနဲ့ ရက်တွေကုန်ဆုံးလာလိုက်တာ မန္တလေးနည်းပညာ တက္ကသိုလ်ကနေ ကျွန်တော်တို့ ပညာသင်နှစ်အတွက် လျှောက် လွှာတွေ ခေါ်ချိန်ရောက်ခဲ့ပါတယ်။ အဲဒီမှာတင် ဘဲ လျှောက်လွှာတင်ဖို့ အခက်အခဲ ဖြစ်လာခဲ့တယ်။ ဘာလဲဆိုတော့ ကျွန်တော့်မှာ အမျိုးသားမှတ်ပုံတင် စိစစ် ရေး ကဒ်ပြား မရှိလို့ပါ။ ကျွန်တော် ၁၀တန်း စာမေးပွဲ ဖြေဆိုတုန်းကလည်း ပြုလုပ်ထားဆဲ ဆိုပြီး ဖြေဆိုခဲ့ တာ ပါ။ ဒါပေမယ့် အခုဟာက တက္ကသိုလ်အဆင့်ဖြစ်တာကြောင့် ပြုလုပ်ထားဆဲ ဆိုပြီးတင်လိုက်တာ ကျောင်းသား ရေးရာဌာန က လက်သင့်မခံပါဘူး။ နောက်ဆုံးဘယ်လိုမှ ကြိုးစားလို့ မရတာနဲ့ ဦးပဉ္ဖင်းကြီးက ကျွန်တော့်ကို ရွာပြန်လွှတ်ပြီး အမြန်ဆုံး မှတ်ပုံတင် သွားလုပ်စေပါတယ်။ ရရာရထားနဲ့ လက်မှတ်ဝယ်ပြီး ကျွန်တော်ရန်ကုန် ကို သွားတယ်။ ရန်ကုန်ကနေ တစ်ဆင့် ရွာကို သင်္ဘောနဲ့ ပြန်လာတယ်။ ခရီးစဉ် တလျှောက်လုံးမှာ ၈ လ လောက် ခွဲနေခဲ့ရတဲ့ မွေးရပ်မြေ ရွာလေးနဲ့ ဝေနှင်းကို တွေ့ချင်တဲ့ စိတ်တွေ တဖွား ဖွား ပေါ်နေမိတယ်။ ကျွန်တော် အိမ်ကို ညနေ ၄ နာရီလောက် ရောက်သွားတယ်။ ကျွန်တော် ပြန်လာလို့ အားလုံးက အံ့သြနေကြ တယ်။ အကျိုးအကြောင်း ပြောပြလိုက်တော့မှ အဖေက ကျေးရွာ လူကြီးဆီကို ထွက်သွားတယ်။ ကျွန်တော် လည်း ရေမိုးချိုး အ၀တ် အစားလဲပြီးတာနဲ့ အပြင်ထွက်ဖို့ ပြင်လိုက်တယ်။ အဲဒီမှာတင်ဘဲ အစ်မလတ် မိုးစံပယ် က ဘယ်သွားမလို့လဲလို့ ကျွန်တော့်ကိုမေး တယ်။ သူ ကျွန်တော့်ကို မေးလိုက်တဲ့ မျက်နှာ အမူအရာက တမျိုး ထူးဆန်းနေတယ်လို့ စိတ်ထဲမှာ ထင်လိုက်မိတယ်။ ဒါပေမယ့် ဝေနှင်းဆီကိုဘဲ စိတ်ကရောက်နေတော့ သူမေး တာကို ပေါ့ပေါ့တန်တန်ဘဲ ရွာထဲခဏသွား မလို့ဆိုပြီး ထွက်လာခဲ့တယ်။ ညနေ နေ၀င်ခါစမို့ထင်တယ် ရွာ လမ်းမကြီးမှာ လူတွေရှင်းနေသလိုဘဲ။ စိတ်ဓာတ်တွေ တက်ကြွစွာနဲ့ ဝေနှင်းတို့ အိမ်ကို လျှောက်လာခဲ့ မိတယ်။ လက်ထဲမှာလည်း မန္တလေးလက်ဆောင်တွေ ကိုင်လို့ပေါ့။ သူတို့ ခြံဝင်းထဲကို ရောက်တော့လည်း ဘယ်သူကိုမှ မတွေ့ရဘူး။ အဲဒါနဲ့ ကျွန်တော်လည်း ဝေနှင်း ရေ ….. ဝေနှင်းလို့ သူ့နာမည်လေးကို ခေါ်ရင်းနဲ့ အိမ်ထဲကို ၀င် လာခဲ့မိတယ်။ ကျွန်တော် အိမ်ထဲကို လည်း ရောက်ရော နောက်ဖေးကနေလာတဲ့ လူတစ်ယောက်ကို မြင်လိုက် ရတယ်။ တဖြည်းဖြည်းနဲ့ အဲဒီ ပုံရိပ်လေးက ကျွန်တော်နဲ့ နီးလာတယ်။ သေချာပါတယ် ဗျာ …သူ ဟာကျွန်တော် သိပ်ချစ်ရတဲ့ ဝေနှင်းပါဘဲ။ သူ ကျွန်တော့်ကို မမြင်သေးပါဘူး။ နောက်ဖေး ပေါက်ကနေ တဆင့် အိမ်ထဲကို သူဝင်လာပါတယ်။ ရုတ်တရက် သူ့ကို စချင်တဲ့ စိတ်လေးပေါ်လာတာနဲ့ ဧည့်ခန်းထဲက တနေရာမှာ ကျွန်တော် ၀င်ပုန်းနေလိုက်တယ်။ မကြာပါဘူး သူ ဧည့်ခန်းထဲလည်း ရောက်ရော နောက်ကနေပြီး သူ့ရဲ့ ပုခုံးလေးကို လက်နဲ့ ပုတ် လိုက်တယ်။ သူက လှည့်ကြည့်ရင်း မထင်မှတ်တဲ့ လူတစ်ယောက်ကို၊ မထင်မှတ်တဲ့ အချိန်မှာ ရုတ်တရက် တွေ့လိုက်ရလို့ထင် တယ်။ ဝေနှင်း ကျွန်တော့်ကို အကြာကြီး စိုက်ကြည့်နေတယ်။ ပြီးတော့ တဖြည်းဖြည်းနဲ့ သူ မျက်ဝန်းအိမ်ထဲမှာ မျက်ရည်တွေ ပြည့် လာတယ်။ သူအဲဒီလို စိုက်ကြည့်တဲ့ အကြည့်ကို ကျွန်တော် မှတ်မိတယ်။ ကျွန်တော်မြို့ကို သွားခါနီး တရက်အလို သူနဲ့ ခွဲခွာရတော့ မယ်လို့ သိလိုက်တဲ့ အချိန်မှာ သူ အဲဒီလို အကြည့်မျိုး ကြည့်ခဲ့ဘူးတယ်။ ကျွန်တော့်ကို ဘာစကားမှပြောမသွားဘဲ သူ လှည့်ထွက် သွားတယ်။ ကျွန်တော် ဘာကိုမှ နားမလည်နိုင်တော့ဘူးဗျာ။
သူ့အတွက် ၀ယ်လာတဲ့ လက်ဆောင်အထုပ်လေးကို ကိုင်ပြီး အမှတ်မထင်ဘဲ ဧည့်ခန်းထဲက နံရံကို ကြည့်မိ တယ်။ လောကကြီး ဘာတွေ ဖြစ်ကုန်ပြီလည်းဗျာ။ နံရံမှာ ကျွန်တော့်သူငယ်ချင်း ၀င်းမြင့် နဲ့ ဝေနှင်းတို့ မင်္ဂလာ ဆောင် ဓာတ်ပုံကြီးကို တွေ့လိုက်ရတယ်။ ဘာတွေလည်း … ဘယ်လိုနားလည်ရမှာလဲ။ ကျွန်တော် မိနစ်အ တော်ကြာ ငြိမ်သက်နေမိတယ်။ စိတ်တွေကို အတတ်နိုင်ဆုံး ထိန်းချုပ်ပြီး ကျွန်တော် ဝေနှင်းတို့ အိမ်ထဲကနေ ထွက်လာခဲ့တယ်။ ဝေနှင်းကတော့ ကျွန်တော် အပေါ်မှာ ဘယ်လိုမှ သစ္စာဖောက် မှာ မဟုတ်ဘူးဆိုတာ တထစ် ချ ယုံကြည်တယ်။ အဲဒါဆိုရင် ၀င်းမြင့်က ဝေနှင်းကို အတင်းအဓမ္မအနိုင်ကျင့် ပြီး … ဟာကွာ … ကျွန်တော် တောက် တစ်ချက်ခေါက်ပြီး ရွာလမ်းမကြီးအတိုင်း လျှောက်ပြန်လာခဲ့တယ်။ တွေ့ပါပြီ … ကျွန်တော် ရှာနေတဲ့ သူကိုတွေ့ ပါပြီ။ ထော်လာဂျီပေါ်မှာ ဆားကြမ်းတွေကို တင်ပြီး ကျွန်တော့်ရှေ့တည့်တည့်ကနေ မောင်းလာ တယ်။ ကျွန်တော် လက်တားပြီး ရပ် ခိုင်းလိုက်တော့ သူ တော်တော် အံ့သြသွားတယ်။ ကျွန်တော်လည်း ဘာမှ မပြောဘဲ သူ့အင်္ကျီစကိုကိုင်ပြီး ထော်လာဂျီပေါ်ကနေ အောက်ကို ဆွဲချလိုက်တယ်။ ဒေါသတွေနဲ့ ပြည့်နှက်နေ တဲ့ ကျွန်တော်ဟာ အချက်ပေါင်း များစွာသော လက်သီးတွေကို ၀င်းမြင့် မျက်နှာဆီ ပစ်သွင်းလိုက်တယ်။ သိပ် မကြာလိုက်ပါဘူး ၀င်းမြင့် မျက်နှာမှာ သွေးတွေနဲ့ ပြည့်နှက်နေတယ်။ သူ ကျွန်တော့်ကို ဘာတခုမှ မတုံ့ပြန် ဘဲနဲ့ စကားတစ်ခွန်းဆိုတယ်။ ညကျရင် ဆားတွင်းက တဲကို ငါရောက်အောင် လာခဲ့မယ်တဲ့။ ကျွန်တော် ဘာမှ ပြန်မ ပြောဘဲ ထွက်လာခဲ့တယ်။ ချစ်သူကို ဆုံးရှုံးလိုက်ရတဲ့ ကျွန်တော်ဟာ တခဏတာ အတွင်းမှာဘဲ အနာ ဂတ် ပျောက်သွားတဲ့ လူတ ယောက်လို ခံစားလိုက်ရတယ်။ ကျွန်တော် ရည်ရွယ်ပြီး ကြိုးစားလုပ်ကိုင်ခဲ့သမျှ တွေဟာ ဘာတခုမှ အရာမထင် တော့သလို ဖြစ်ခဲ့ရပါ တယ်။ ညရောက်တော့ ကျွန်တော့် ယောက်ဖ ကိုအောင်ဝင်းနဲ့အတူ ကျွန်တော် ဆားတွင်းက တဲမှာ အိပ်ဖို့ အဖေနဲ့အမေကို ပြောပြီး ထွက်လာခဲ့ပါတယ်။ ကျွန်တော်က အရက်သောက်ချင်တယ်လို့ပြောတော့ ကိုအောင်ဝင်းက သူ့မိတ်ဆွေ တဦးဆီကနေပြီး မီး တောက် ချက်အရက်တလုံးနဲ့ စားစရာ အမြည်းတွေ ယူလာပါတယ်။ တဲကိုလည်း ရောက်ရော ကျွန်တော် တ ယောက်တည်း အရက် တွေ ထိုင်သောက်နေမိတယ်။ အရက်နဲ့ အထိအတွေ့မရှိဘူးတဲ့ ကျွန်တော်ဟာ မီး တောက် အရက်တခွက် မော့သောက်လိုက်တော့ ပူရှတဲ့ အရသာနဲ့ အတူ ခဏအကြာမှာတော့ ပြန်အန်ထွက် လာတယ်။ ကိုအောင်ဝင်းက နားလည်စွာနဲ့ ဘာမှမပြောဘဲ ကျွန်တော့် အတွက် လိုအပ်တာတွေ အားလုံး လုပ် ပေးပါတယ်။ သိပ်မကြာပါဘူး ၀င်းမြင့်လည်း လက်ထဲမှာ အရက်တလုံး ကိုင်ပြီး တဲထဲကို ၀င်လာပါတယ်။ ကျွန်တော် သောက်နေတဲ့ စားပွဲဘေးနားမှာ ၀င်ထိုင်ပြီးတော့ ကျွန်တော့် ပုခုံးကိုဖက်ပြီး သူငိုပါတော့တယ်။ နားမလည်ခြင်းပေါင်းများစွာနဲ့ ကျွန်တော် သူ့ကို ကြည့်မိတယ်။ မျက်ရည်တွေရစ်ဝဲပြီး သူ ကျွန်တော့်ကို ရှင်း ပြတယ်။
“မင်း ငါ့ကို အထင်တွေ လွဲနေပြီ မိုးကျော်သူ၊ တကယ်တော့ ငါဟာ ဝေနှင်းရဲ့ အရှက်နဲ့ သိက္ခာကို ကာကွယ်ပေး လိုက်တာပါ။ ဒီကိစ္စ တွေကို ငါ ဘာတခုမှ မသိရိုး အမှန်ပါ။ တရက်မှာ ငါ့ကို အေးအေးဝင်း လာခေါ်တယ်။ အရေး တကြီး တိုင်ပင်စရာ ရှိလို့ပါတဲ့။ အဲဒါနဲ့ ငါလည်း အေးအေးဝင်း အိမ်ကို ရောက်သွားတယ်။ သူက ပြောတယ်။ ဝေနှင်းမှာ ကိုယ်ဝန်ရှိနေပြီတဲ့။ ငါ အရမ်းအံ့သြသွားတယ်။ ဘယ်သူနဲ့လဲလို့ မေးတော့ မင်းနဲ့လို့ ပြောတယ်။ သူလည်း အတတ်နိုင်ဆုံး ကြိုးစားပြီး ကူညီတာပါဘဲ။ ဒါပေမယ့် ဝေနှင်းသူ့ဆီကို ဖွင့်ပြောပြီး အကူ အညီတောင်းတဲ့ အချိန်က အရမ်းကို နောက်ကျနေခဲ့ပြီကွာ။ သူပြောတာကတော့ အဲဒီအချိန်မှာ သူ့ကိုယ်ဝန် ၂-၃ လ ရှိနေပြီတဲ့။ မင်းဆီကို စာရေးပြီး အကြောင်းကြားထားတာလည်း လိပ်စာမှားလို့ ဆိုပြီး ပြန်ရောက်လာ တယ်။ အဲဒီလိပ်စာကလည်း အေးအေးဝင်း ကိုယ်တိုင် မင်းတို့အိမ်ကို သွားတောင်းပြီး ရေးထားတာ ဘယ်လိုမှ မမှားနိုင်ဘူးလို့ သူက ပြောတယ်ကွာ”
အဲဒီလိုပြောပြီး ကျွန်တော့်ဆီကို ရေးထားတဲ့ စာကို ထုတ်ပြတယ်။ မီးအိမ်ရဲ့ အလင်းရောင်နဲ့ ကျွန်တော် စာအိတ်ပေါ်က လိပ်စာကို ကြည့်လိုက်မိတယ်။ အဲဒီမှာတင်ဘဲ ကျွန်တော် အရမ်းအံ့သြသွားမိတယ်။ ဘာလို့လဲ ဆိုတော့ စာအိတ်ပေါ်က လိပ်စာက
“ဦးနာဂ၀ံသ
တဆင့် မိုးကျော်သူ
ကင်းဝန်မင်းကြီး ကျောင်းတိုက်၊
ဘုရားကြီး အနီး၊ မန္တလေးမြို့။
အမှန်တကယ် ဦးပဉ္ဖင်ကြီး ကျောင်းတိုက် နာမည်က
“မြင်းဝန်မင်းကြီး ကျောင်းတိုက်၊
ဘုရားကြီးအနီး၊ မန္တလေးမြို့။ ” ပါ။

ကံကြမ္မာတရားရဲ့ စနစ်တကျ လွဲချော်မှုတွေကို အံ့သြရင်းနဲ့ ၀င်းမြင့်ပြောတာကို ဆက်နားထောင် နေမိတယ်။
“ငါလည်း ဘာပြောလို့ ပြောရမှန်း မသိတော့ဘူး။ ငါက မင်းတို့အိမ်ကို အကျိုးအကြောင်း ဖွင့်ပြောပြရင် ရော မဖြစ်နိုင်ဘူးလားလို့ အေးအေးဝင်းကို မေးတယ်။ သူက ဘာပြန်ပြောလဲဆိုတော့ အဲဒီလို ဖွင့်ပြောလိုက်ရင် မင်း မိသားစုရဲ့ အကြည့်တွေ၊ စကားတွေကို ရင်မဆိုင်နိုင်ဘူးတဲ့။ အဲဒါနဲ့ သူကဆက်ပြောတယ်။ အခုအချိန် မှာငါစဉ်းစားထားတာ တခုရှိတယ်။ နင်သာ လက်ခံမယ်ဆိုရင် ဝေနှင်းကိစ္စကို တာဝန်ယူပေးပါ။ နင်သူ့ကို လက်ထပ် ပေးပါတဲ့။ မင်း စဉ်းစားကြည့်ပါ မင်းနဲ့ ဝေနှင်းရော ငါ့ရဲ့ အချစ်ဆုံး သူငယ်ချင်းတွေ အဲဒီအချိန်မှာ ငါ မင်းဘက်ကို မကြည့်နိုင်ဘူး။ ဘာလို့လဲဆိုတော့ ဝေနှင်းရဲ့ အရှက်နဲ့ သိက္ခာဟာ မင်းထက် ပိုအရေးကြီး နေလို့ပါ။ အမှန်အတိုင်းဝန်ခံရရင် ငါလည်း ဝေနှင်းကို ချစ်ပါတယ်။ ဒါပေမယ့် မင်းနဲ့ဝေနှင်း ချစ်သူတွေ ဖြစ်သွားကြပြီးတဲ့ နောက်ပိုင်းကစပြီး ငါ သူ့အပေါ်မှာ ထားတဲ့ အဲဒီစိတ်တွေအားလုံးကို ဖျောက်ဖျက်ခဲ့ပါတယ်။ တကယ့်ကို သူငယ်ချင်းစိတ်နဲ့ပဲ ဖြူဖြူစင်စင် ငါမင်းတို့ အပေါ် မှာ ဆက်ဆံခဲ့၊ စိတ်ထားခဲ့တယ်ဆိုတာကို ငါကျိန်ပြောဝံ့ပါတယ် သူငယ်ချင်း”
ကျွန်တော့်မှာ ပြောစရာစကားတွေအားလုံး ဆွံ့အ သွားခဲ့ရပါပြီ။ သူ့မျက်နှာကိုကြည့်ပြီး ကျွန်တော် ဘာဆက် ပြောရမလဲ ဘာလုပ်ရ မလဲဆိုတာ ဘယ်လိုမှ မစဉ်းစားနိုင်တော့ ပါဘူး။
“အေးကွာ၊ ငါမင်းကို အထင်လွဲခဲ့၊ ကိုယ်ထိလက်ရောက် စော်ကားခဲ့တာတွေအတွက် ငါတောင်းပန်ပါတယ်။ ငါ့အနေနဲ့ နောက်ဆုံး မင်းကို မှာချင်တာ တစ်ခုပဲ ရှိပါတယ်။ အဲဒါကတော့ မင်းအနေနဲ့ အရင်က ဝေနှင်းရဲ့ အတိတ်သမိုင်းတွေကို မေ့ပစ်ပြီး တစ်သက်လုံး ကြင်ကြင် နာနာ သစ္စာရှိရှိ ပေါင်းသင်းပေးပါ။ အထူးသဖြင့် ဘာမှမသိသေး၊ လူ့လောကကို ရောက်မလာသေးတဲ့ ငါ့ရဲ့ သွေးသား လေးကို မင်းရဲ့ ရင်သွေးတစ်ယောက်လို
သဘောထားပေးပါ။ မင်းဟာ မြင့်မြတ်တဲ့ စိတ်နှလုံး ပိုင်ရှင်ဖြစ်တဲ့အတွက် ယောက်ျား တစ်ယောက် အနေနဲ့ ရော၊ ငါ့ရဲ့ သူငယ်ချင်း တစ်ယောက်ဖြစ်နေတဲ့အတွက်ရော ငါဂုဏ်ယူပါတယ်။ မင်းနဲ့ ဝေနှင်းတို့အိမ်ထောင်ရေး အစစအရာရာ အဆင်ပြေ ပါစေလို့ ငါဆုတောင်းလိုက်ပါတယ်ကွာ။ မင်းအနေနဲ့ ဘာအကူအညီပဲ လိုလို ငါ့ကို သူငယ်ချင်းတစ်ယောက်အနေနဲ့ အကူအညီတောင်းပါ။ ငါ အတတ်နိုင်ဆုံး မဖြစ်ဖြစ်အောင် ကူညီပါ့မယ်။ ဒါက လည်း ဘာသဘောမှ မဟုတ်ပါဘူး။ မြင့်မြတ်တဲ့ ယောကျာ်းတစ်ယောက်ကို စိတ်အလိုတစ်ခုပဲ ကြည့်ပြီး ကိုယ်ထိ လက်ရောက် စော်ကားမိတဲ့ ငါ့ရဲ့ မိုက်ပြစ်ကို ပေးဆပ် ချင်လို့ပါ။ ဘာပဲဖြစ်ဖြစ် အားလုံး ဟာ ကံတရား စီမံတဲ့အတိုင်း ငါတို့တွေ ကပြခဲ့ကြရတာပါ ”
“ အေးပါ မိုးကျော်သူရာ စိတ်ချပါ။ မင်းအခုလို အဖြစ်မှန်တွေကို သိသွားတဲ့အတွက်ပဲ ငါ အတိုင်းမသိ ၀မ်းသာရ၊ စိတ်အေးရပါတယ်။ ဝေနှင်းကိုရော၊ သူ့ရင်သွေး လေးကိုပါ ငါတစ်သက်လုံး စောင့်ရှောက်သွားပါ့မယ်ကွာ”
“ ကျေးဇူးတင်ပါတယ် သူငယ်ချင်း ”
နောက် ၂ ရက်အကြာမှာဘဲ အမျိုးသားမှတ်ပုံတင်ကဒ် ရတာနဲ့ တပြိုင်နက် မန္တလေးကို ကျွန်တော်ပြန်လာခဲ့ တယ်။ ဘုန်းကြီးကျောင်း တိုက် အ၀င်ကို ရောက်တော့ သတိတရ နဲ့ မုဒ်ဦးကို မော့ကြည့်မိတယ်။
“ မြင်းဝန်မင်းကြီး ကျောင်းတိုက်” ဆိုတဲ့ ကဗ္ဗည်း စာတန်းကို တလုံးချင်းစီ ဖတ်ကြည့်ပြီးတော့ ကျောင်းတိုက်ထဲ ကို ၀င်ခဲ့မိပါတယ်။ နေ့ရက်တွေကို တစ်ဖြည်းဖြည်း ကျော်ဖြတ်လာခဲ့မိတာ အခုဆိုရင် ကျွန်တော်ဟာ နည်းပညာတက္ကသိုလ် တတိယနှစ်ကို ရောက်ရှိ ခဲ့ပါပြီ။ ရွာကနေပြီး မန္တလေးကို ဘုရားဖူးလာတဲ့ လူကြုံတွေရဲ့ ပြောပြချက်အရ ဝေနှင်း သမီးမိန်းကလေး မွေးကြောင်း၊ သမီးလေးရဲ့ နာမည်ကိုလည်း “မိုးမြင့်ဝေ” လို့ပေးထား ကြောင်း ကြားသိလိုက်ရတယ်။ မမြင်ဘူး မတွေ့ဖူးသေးတဲ့ သမီးလေးရဲ့ မျက်နှာကို ကျွန်တော် စိတ်ကူးတွေ ထဲမှာ ပုံဖော်ကြည့်နေမိတယ်။ သူတို့ရဲ့ အိမ်ထောင်ရေး အခြေအနေကို မေးကြည့်တော့လည်း အားလုံး အဆင် ပြေသာယာ ချမ်းမြေ့တဲ့ အကြောင်းကို ကြားသိရပါတယ်။ သူတို့ အကြောင်းကို အကောင်းဆုံးတွေချည်း ကြားရ တော့ အတိုင်းထက် အလွန်ဘဲ ၀မ်းသာမိပါတယ်။ သမီးလေး မိုးမြင့်ဝေ ကိုမြင်ဘူး ကြည့်ဘူးချင်တဲ့ စိတ်က ကျွန်တော့် ကို တော်တော် လေး စိုးမိုးထားပါတယ်။ ဒီလိုနဲ့ တတိယနှစ် စာမေးပွဲတွေ ဖြေပြီးတဲ့ အချိန်မှာ ရက်ရှည် ကျောင်းတွေ ပိတ်ပါတယ်။ ကျွန်တော် ရွာ ပြန်ပြီး သမီလေးကို ပြန်တွေ့မယ်လို့ စိတ်ကူးကြည့်မိတယ်။ ဒါပေမယ့် တဖက်ကလည်း ကျွန်တော် ပြန်စဉ်းစားကြည့်တော့ သာယာ ချမ်းမြေ့နေတဲ့ သူတို့မိသားစု ဘ၀လေး ကို ကျွန်တော်ကြောင့် စိတ်အနှောက်အယှက် ဖြစ်သွားမှာကို စိုးရိမ်မိတယ်။ အဲဒီလို တွေးမိ တာကြောင့် ရက် ရှည်ကျောင်း ပိတ်ရက်တွေမှာ ကျွန်တော် ရွာကို မပြန်ဖြစ်တော့ဘဲ မြို့မှာတင် သင်တန်းတွေတက်လိုက်၊ ဦးပဉ္ဖင်း ကြီး ဝေယျာဝစ္စတွေ လုပ်ပေးလိုက်နဲ့ အချိန်တွေ ကုန်လွန်စေခဲ့ပါတယ်။ ကျွန်တော် အခုရောက်ရှိနေတဲ့ လူမှုပတ်ဝန်းကျင် အသိုင်း အ၀ိုင်းထဲမှာလည်း ကျွန်တော့်ကို သူငယ်ချင်တွေ စကြ။ နောက်ကြပါတယ်။ အသည်းနှလုံး မရှိတဲ့ လူကြီး တဲ့။ အမှန်တကယ်တော့ ကျွန်တော့်မှာ ချစ်တတ်တဲ့ အသည်နှလုံးရှိပါတယ်။ အဲဒီ အသည်းနှလုံးကိုဟာ သူများတွေလို ၁၅၀၀ မေတ္တာမျိုးနဲ့သာ ရှင်သန်နေ တာမျိုး မဟုတ်ပါဘူး။ တကယ်လို့ ကျွန်တော့် နှလုံးသားကို စိမ်းလန်းတဲ့ မြေပြင်တစ်ခုနဲ့ ခိုင်းနှိုင်းလိုက်မယ် ဆိုရင် မြေပြင်လေးရဲ့ အလယ်မှာ ကွက်လပ်လေး တစ်ခု ရှိနေမှာပါ။ အဲဒီ ကွက်လပ်လေးဟာ ဘယ်သူ့အတွက်လည်း ဆိုတော့ သမီးလေး မိုးမြင့်ဝေ အတွက်ပါဘဲ။ တနေ့နေ့မှာ ကွက်လပ်နေရာလေးကို သမီးလေး ရောက်ရှိလာမယ်လို့ ကျွန်တော် မျှော်လင့်ထားတယ်။ ကျွန်တော် မျှော်မှန်းထားသလို အဲဒီကွက်လပ်လေးမှာ သမီးလေး ရောက်လာတယ် ဆိုရင် လှပမွှေးကြိုင်တဲ့ အပင်လေးတွေ အဖြစ် ကျွန်တော့် ဘ၀ကို ပေးဆပ်လိုက်မှာပါ။ အဲဒီလို ပေးဆပ်နိုင်ဖို့ရာ အတွက် ကျွန်တော့်ရဲ့ အသည်းနှလုံးကို ၁၅၀၀ မေတ္တာမျိုးနဲ့ မရှင်သန်စေဘဲ မိဘ မေတ္တာမျိုးနဲ့ ရှင်သန်နေ အောင် ကိုယ့်ကိုယ်ကို ထိန်းကျောင်းခဲ့တာပါ။

စိမ်းလန်းတဲ့ မြေပြင်လေးအလယ်မှာ ရှိတဲ့ ကွက်လပ်နေရာလေးထဲကို သမီးလေး ရောက်လာမယ်နေ့ …. ဟုတ်တယ်၊ အဲဒီနေ့ဟာ ကျွန်တော့်အတွက် …………….။ ။

အဖြစ်အပျက်တွေဟာ တခါတရံမှာ အရမ်းကို ဆန်းပြားလှပြီး၊ အရမ်းလည်း အံ့သြခဲ့ရတာတွေ ရှိခဲ့ပါတယ်။ ၁၅ နှစ်ခန့် ကြာတဲ့ အခါမှာတော့ အောက်ဖော်ပြပါ စာကို ကျွန်တော် လက်ခံရရှိခဲ့ပါတယ်။
သူငယ်ချင်း
မိုးစက်ရေ…… သတိရစွာနဲ့ စာရေးလိုက်တယ်ကွာ။ မင်း ဘာမှာရှိနေတယ်ဆိုတာ သိန်းမြင့် ပြောပြလို့ ငါသိရ တာ။ ကိုယ့်အလုပ်နဲ့ ကိုယ်ဆိုတော့ လူချင်းလည်း မတွေ့နိုင်၊ စာချင်းလည်း မဆက်သွယ်မိနဲ့။ နှစ်တွေကို အတော် ကြာပေါ့ကွာ။ သူငယ်ချင်းရေ … ငါဆီက စာရတော့ မင်း ၀မ်းသာခြင်းနဲ့ အတူ အံ့လည်း အံ့သြနေ လောက်ရောပေါ့။ ငါ မင်းကို ရင်ဖွင့်ချင်လို့ပါကွာ။ ငါ အခု မအူပင် အစိုးရ နည်းပညာကောလိပ်မှာ တာဝန်ကျ နေတယ် သူငယ်ချင်း။ မိုးစက် ….. ငါ ….ငါ သမီလေးကို တွေ့ရပြီကွ။ ငါ အရမ်းဝမ်းသာပြီး ပျော် နေတယ် ကွာ။ ဘယ်လို တွေ့တာလဲ ဆိုတာတော့ မင်း သိချင်နေမှာဘဲ။ ငါပြောပြမယ် သူငယ်ချင်း။ တစ်နေ့ ငါ စာသင်မယ် ဆိုပြီး EP Class ကို သွားတယ်ကွာ။ အဲဒီမှာတင် ရှေ့ဆုံးက ထိုင်တဲ့ ကျောင်းသူလေး တစ်ယောက်ကို ငါ သတိ ထားမိတယ်။ ဝေနှင်းနဲ့ တော် တော် ဆင်တယ်ကွာ။ စာ စသင်သင်ချင်း မေးမလို့။ ဒါပေမယ့် ငါ မမေးဖြစ်ဘူး။ ငါ့စိတ်တွေကို ထိန်းလိုက်တယ်။ စာသင်ပြီးလို့ အတန်းထဲကနေ ထွက်ခါနီးမှာ ဘယ်လိုမှ မနေနိုင်တာနဲ့ အဲဒီ ကျောင်းသူလေးဆီကို သွားပြီး “ သမီး … သမီး နာမည် ဘယ်လိုခေါ် လဲ” လို့ မေးလိုက်တော့ “မိုးမြင့်ဝေ ပါ ဆရာ” မတ်တပ်လေးရပ်ပြီး သမီးလေးက ဖြေလာတယ်။ အတန်းထဲကနေထွက်လာပြီး သေချာအောင် ငါ ဌာနက ကျောင်းသား၊ ကျောင်းသူ ကိုယ်ရေးဖိုင်ထဲမှာ သွားကြည့်တယ်။ ဟုတ်တယ်ကွ … ဟုတ်တယ် … ငါ့ သမီးလေး မိုးမြင့်ဝေ မှ မိုးမြင့်ဝေ အစစ်ကွ။ ငါ ၀မ်းသာလိုက်တာ သူငယ်ချင်းရာ။ ငါ သမီးလေးနဲ့ ဆုံတွေ့ခွင့် ရပြီ။ နှစ်ရှည်လများ ငါစောင့်ခဲ့တဲ့ အချိန်လေးကို ရောက်ပြီ သူငယ်ချင်း။ မင်းနဲ့ လူချင်းများဆုံတွေ့ခွင့် ရမယ် ဆိုရင် ဒီထက် အများကြီး ပြောပြချင်တယ် ကွာ။ အခုတော့ ဒီလောက်ပဲ သူငယ်ချင်းရေ …ငါအရမ်းပျော်နေလို့ ။ သတိရစွာဖြင့်
မိုးကျော်သူ
မိုးကျော်သူ ရဲ့ စာကို ဖတ်လို့အပြီးမှာတော့ ကျွန်တော် မျက်နှာလည်း ပီတိတွေနဲ့အတူ ပြုံးရွှင်နေခဲ့ပါတယ်။ စိမ်းလန်းသော မြေပြင် လေးရဲ့ အလယ်က ကွက်လပ်လေးမှာ သမီးလေး မိုးမြင့်ဝေ ရောက်လာပြီ ဆိုတော့ လှပမွှေးကြိုင်တဲ့ ပန်းကလေးတွေအဖြစ် သူ ပေးဆပ်နေမယ်ဆိုတာ ကျွန်တော် ယုံကြည်နေပါတယ်။

မိုးစက်
24 . 10 . 2007 (1:53 AM)


ဆက်ဖတ်ရန်...

Oct 21, 2007

စိမ်းလန်းသော မြေပြင်မှ ကွက်လပ်လေးတစ်ခု ( ၁)

ချစ်ရသူနှင့် ခွဲခွာ၍နေရသော ဒုက္ခကို အခုမှ လက်တွေ့ ခံစားရတော့သည်။ ဦးပဉ္ဖင်းကြီး၏ စကားကို မပယ်ရှားလို၍သာ မြို့ကိုလိုက် လာရသည်။ စိတ်ထဲမှာတော့ လုံးဝ (လုံးဝ) မပါချေ။ အခုချိန်လောက်ဆို ချစ်ရတဲ့ ဝေနှင်း တစ်ယောက် တွေ့နေကျ နေရာလေးမှာ တစ်ယောက်တည်း နေမှာပဲနော်။
မနက်(၅)နာရီ မှာ သင်္ဘောစထွက်မှာမို့ အဖေ၊ အမေနဲ့ မမကြီး၊ မမလတ်တို့အားလုံး မနက်အစောကြီး ထပြီး ကျွန်တော်နဲ့ ဦးပဉ္ဖင်း ကြီးအတွက် ဝေယျာဝစ္စတွေ အားလုံးလုပ်ပေးနေကြပြီ။ ကျွန်တော်ကတော့ သူတို့တွေ လုပ်ကိုင်နေတာကို ကြည့်ပြီး စက်ရုပ်တစ်ရုပ် လို လှုပ်ရှား နေမိသည်။ မနက် (၄)နာရီ ထိုးတော့ အေးအေးဝင်းနှင့် ၀င်းမြင့် ရောက်လာသည်။ သူတို့လက်ထဲမှာလည်း ကျွန်တော့် အတွက် စားစရာမျိုးစုံ ပါလာသည်။ သူတို့ကို မြင်မြင်ချင်း ဝေနှင်းရော ဟု ကျွန်တော် အလောတရော မေးဖြစ်သည်။ အေးအေးဝင်း က နင် ထွက်သွားတာကို ကြည့်ပြီး သူ လက်ပြ မနှုတ်ဆက်ချင်လို့ လိုက်မပို့တော့ဘူးတဲ့။ ကျွန်တော် တွေဝေစွာနဲ့ ဘာမှထပ်မပြော ဖြစ်တော့။


သင်္ဘောဆိပ်သို့ဆင်းခါနီး အဖေနဲ့အမေ၊ မမကြီး၊ မမလတ်တို့ အားလုံးကို ကန်တော့သည်။ ကန်တော့ပြီး မော့ကြည့်လိုက်တော့ အားလုံး ငိုနေကြသည်။ ကျွန်တော့် ရင်ထဲမှာလည်း လုံးဝ စိတ်မကောင်းချေ။ သင်္ဘောဆိပ်ကို ရောက်တော့ မနက်(၅)နာရီ ထိုးနေခါ နီးနေပြီ။ ကျွန်တော်တို့ရွာမှ မြို့သို့တက်၍ ဆားရောင်းသွားမည့် လူများလည်း အသီးသီး သင်္ဘောပေါ်သို့ တက်နေကြပြီ။ ဝေနှင်း အတွက် အစစအရာရာ စိတ်ချပါ၊ ငါတို့ ရှိပါတယ်လို့ အေးအေးဝင်းရော၊ ၀င်းမြင့်တို့က ပြောသည်။ ညကတည်းက ရေးထားတဲ့ စာ လေးကိုထုတ်ပြီး ဝေနှင်းကို ပေးပေးပါလို့ အေးအေးဝင်း ကိုမှာသည်။ သင်္ဘောကြီး စထွက်ရန် ဥသြဆွဲနေချေပြီ… သင်္ဘောပေါ်တက် ရန် ခြေလှမ်းပြင်လိုက်စဉ်မှာပင် အဖေက စကားတစ်ခွန်းဆိုသည်။
သား၊ မင်းဟာ မိသားစုထဲမှာ တစ်ဦးတည်းသော သားပဲ။ မင်းကို ထူးထူးချွန်ချွန် ဖြစ်စေချင်လို့ မြို့ကိုလွှတ်ပြီး ပညာတွေ သင်ယူခိုင်း တာ ငါ့သားကြီးကို ဘွဲ့ဝတ်စုံကြီးနဲ့ မြင်ချင်တယ်ကွာတဲ့။ အမေကတော့ အနန္တငါးပါးကို မမေ့ဖို့ ကျန်းမာရေး ဂရုစိုက်ဖို့ ကို တတွတ် တွတ်နဲ့မှာတယ်။ ဆိပ်ကမ်းက ဘောတံတားကြီး သိမ်းခါနီးမှာ ကျွန်တော် သင်္ဘောကြီးပေါ် တက်လာခဲ့မိတယ်။ လက်တွေ့ဝှေ့ယမ်း ပြီး နှုတ်ဆက်နေတဲ့ မိသားစုနဲ့ အချစ်ဆုံး သူငယ်ချင်း နှစ်ယောက်ကို ကျွန်တော် လက်ပြန်ပြမိတယ်။ သြော်... ဝေနှင်း ရယ်… မောင် လက်ပြနှုတ်ဆက်တာကို မကြည့်ရက်ဘူးတဲ့လား။ မောင် ပညာတွေစုံရင် ချစ်ရတဲ့ ဝေနှင်းဆီ အပြေးပြန်လာခဲ့ပါ့မယ်ကွာ… မောင့်ကို စိတ်ချပါ … ဝေနှင်းအပေါ်အမြဲ သစ္စာရှိနေမှာပါ ဝေနှင်းရယ်။ ဒီသင်္ဘောကြီးကိုစီးပြီး မြို့ကို အကြိမ်ကြိမ်တက်ကာ ဆားအိတ်တွေ သွားရောင်းဘူးပါ၏။ ဘယ်သောအခါမှ ကိုယ့်ရွာလေးရဲ့ အလှအပကို မခံစားဘူးခဲ့ပါဘူး။ ဒါပေမယ့် ဒီတစ်ခေါက်မှာတော့ ရင်ထဲမှာ ရှိတဲ့ခံစားချက်တွေကြောင့်လားမသိ ကျွန်တော်တို့ရွာလေးဟာ သာယာချမ်းမြေ့စွာနဲ့ လွမ်းမောဖွယ်ကောင်းနေပါတော့တယ်။ ပတ် ၀န်းကျင် မြင်ကွင်းတစ်ဆုံးကြည့်ပြီး ကျွန်တော် သင်္ဘောက အခန်းဆီကို လာခဲ့မိတယ်။ ဦးပဉ္ဖင်းကြီးကတော့ ကုတင်ပေါ်မှာ တရား စာအုပ်တစ်အုပ် ဖတ်နေတယ်။ ကျွန်တော်လည်း ဘာမှ ဆက်မပြောတော့ဘဲ ကုတင်လေးပေါ်မှာ လှဲအိပ်ပြီး ဟိုးအကြောင်း၊ ဒီအ ကြောင်း စဉ်းစားနေမိတယ်။ ကျွန်တော်တို့ ရွာလေးဟာ ဧရာဝတီတိုင်း အစွန်အဖျားမှာရှိတဲ့ ကျွန်းငယ်လေး တစ်ကျွန်းပေါ်က ရွာ လေးတစ်ရွာပါ။ ကျွန်တော်တို့ ရွာရဲ့ အဓိက ထွက်ကုန်ကတော့ ဆား ပါဘဲ။ ကျွန်တော်တို့ အဖေနဲ့အမေဟာ ဆားတွင်းကြီးတွေကို ပိုင်ဆိုင်ပါတယ်။ မောင်နှမ သုံးယောက်ရှိတဲ့အနက် ကျွန်တော်က တစ်ဦးတည်းသော သားလည်းဖြစ်၊ အငယ်ဆုံးလည်းဖြစ်တဲ့ အတွက် အားလုံးက ၀ိုင်းပြီးချစ်ကြပါတယ်။ မမကြီး မိုးသဇင်ကရွာမှာ ရှိတဲ့ တွဲဘက်အထက်တန်းကျောင်းမှာ (၁၀)တန်းကို ၂ နှစ် ဆက်တိုက်ကျလို့ စာမေးပွဲ ဆက်မဖြေတော့ဘဲ အမေတို့ သဘောတူတဲ့ ရွာက ကိုအောင်ဝင်းနဲ့ အိမ်ထောင်ပြုပြီး ကျွန်တော်တို့ အိမ် ၀ိုင်းထဲမှာဘဲ အိမ်တစ်လုံးထပ်ဆောက်ပြီး နေပါတယ်။ အစ်မလတ် မိုးစံပယ် ကတော့ ကျွန်တော်နဲ့ ၁၀ တန်းကို အတူတူ အောင်ပါ တယ်။ မမလတ်လည်း ဒီအတိုင်းပါဘဲ ၁၀ တန်းကို ၂ နှစ်ဆက်တိုက်ကျ ကျွန်တော်နဲ့ အတန်းချင်း တူသွားပြီးမှ အတူတူ အောင်ခဲ့ တာပါ။ ကျွန်တော့်မှာ အချစ်ဆုံး သူငယ်ချင်း ၃ ယောက်ရှိပါတယ်။ အေးအေးဝင်းရယ်၊ ၀င်းမြင့်ရယ်၊ ပြီးတော့ ကျွန်တော် ချစ်ရတဲ့ ဝေနှင်းရယ်ပေါ့။ ကျွန်တော်တို့ သူငယ်ချင်း လေးယောက်ဟာ သူငယ်တန်းကနေ စပြီးအထက်တန်းအထိ အတူတူ သွားတာ၊ လာတာ၊ စားတာသောက်တာ အားလုံး တပူးပူးတတွဲတွဲ ပါပဲ။ ၀င်းမြင့် နဲ့ ဝေနှင်း တို့ မိဘတွေကလည်း ဆားတွင်းကြီး တွေကို ပိုင်ဆိုင်တဲ့ ရိုးသားတဲ့ တောသူ တောင်သားတွေပါဘဲ။ အေးအေးဝင်း ကတော့ အဖေ မရှိတော့ပါဘူး ကျွန်တော်တို့လို ဆားတွင်းကြီး တွေ မပိုင်ပေမယ့် သူ့အစ်မအကြီးဆုံးက မြို့မှာ သူနာပြု ဆရာမသင်တန်းဆင်းပြီး ရွာမှာ သားဖွားဆရာမ အဖြစ်လုပ်ကိုင်ပြီး အင်္ဂလိပ်-မြန်မာ ဆေးဆိုင်ကြီး ဖွင့်ထားပါတယ်။ ရွာလို့ ပြောလိုက်လို့ အထင်မသေးလိုက်ပါနဲ့ ကျွန်တော်တို့ ရွာမှာ ကျွန်းရဲစခန်း ရှိတယ်။ အုပ်ချူပ်ရေးဆိုင်ရာ ရုံးတွေရှိတယ်။ တွဲဘက် အထက်တန်းကျောင်း ရှိတယ်။ မြို့နယ်အဆင့် ရှိတဲ့ ရွာကြီးလို့ ပြောရင်လည်း ရပါတယ်။
ကျွန်တော် ၁၀တန်းရောက်တော့ ဝေနှင်းကို ကျွန်တော့်ရင်ထဲမှာ ရှိတဲ့ ခံစားချက်တွေ ဖွင့်ပြောပြမိတယ်။ အဲဒီအဖြစ်အပျက်လေးကို မှတ်မိပါသေးတယ်။ ဝေနှင်းရယ်လေ….. ဟင်းချက်ဖို့ ကြက်သားတွေကို ဓားနဲ့ ခုတ်ရင်း ဘယ်ဘက်လက်ကို ဓားထိသွားခဲ့တယ်။ ဂရုမစိုက်ဘဲ ဒီအတိုင်းနေလိုက်တာ အနာမှာ ညှော်တွေဝင်ပြီး ရင်းလာတယ်။ အနာအရှိန်ကြောင့် သူကျောင်းတစ်ပတ်လောက် မတက်နိုင်တော့ဘူး။ အဲဒီမှာတင် ကျောင်းမှာ လွတ်သွားတဲ့ စာတွေအတွက် အေးအေးဝင်း၊ ကျွန်တော်၊ ၀င်းမြင့်တို့ ခွဲတမ်းချပြီး စာ တွေဝိုင်းကူးပေး ရတယ်။ အေးအေးဝင်းက လူမှုရေးဘာသာရပ်ကို ကူးပေးတယ်။ ၀င်မြင့်က သိပ္ပံဘာသာရပ်နဲ့ ကျွန်တော်က မြန်မာ အင်္ဂလိပ် သင်္ချာ။ ဝေနှင်း မသိအောင် ခိုးယူထားတဲ့ သူ့ဓာတ်ပုံလေးကို ရှေ့မှာချပြီး ကိုယ် ချစ်ရတဲ့ ချစ်သူလေးရဲ့ စာမျက်နှာတွေထဲ မှာ အကောင်းဆုံးနဲ့၊ အ၀ိုင်းဆုံးလက်ရေးလေးတွေ ရေးချ ပေးလိုက်တယ်။ သူ့ပုံလေးကို ကြည့်ပြီး စိတ်ကူးယဉ်နေရင်းနဲ့ စာအုပ်လေး တစ်အုပ်ယူပြီး ကဗျာလေးတစ်ပုဒ် ရေးချမိတယ်။
တိတ်တခိုး ချစ်သူ
တွေ့စရင်ခုန် မြင်ယုံစွဲလန်း
တမ်းတမ်းစွဲဖြစ်
ချစ်မိနေပြီ ဝေနှင်း ရယ် …..
အလှမ်းကွားလို့ လွမ်းတာတွေ့တောင်
သူသိအောင် မနေရဲ
ရင်မှာ ဝေဒနာ မဖြေသာလို့
ချစ်တယ် ပြောရင်
သူ စိတ်ဆိုးမှာလား ….
အတွေးစိတ်များက ချောက်လှန့်နေခဲ့
ဖွင့်မပြောပြန်လည်း စိတ်များတင်းလို့
အနေရခက်တယ် ဝေနှင်း ရယ် …..
မပြောဘဲ သိ မကြည့်ဘဲ မြင်
ရင်တွင်းရှိတာ သိနေရင်
သိပ်ကောင်းမှာဘဲ
နှုတ်များ ဆွံ့အ မဖွင့်ဟရဲလို့
သြော် ….. ယောကျာ်းတန်မဲ့
အံကြိတ်၍သာ ဖြေပါတော့မယ် ဝေနှင်းရယ် …..
စိတ်ကူးတွေနဲ့ ချစ်တဲ့ ဝေနှင်းအတွက် ကဗျာလေးရေးပြီး အိပ်ယာဝင်ခဲ့တယ်။ ဒီနေ့နဲ့ဆိုရင် ဝေနှင်း ကျောင်းပျက်တာ ၆ ရက်တောင် ရှိသွားပြီနော်။ သူ့အကြောင်းတွေတွေးရင်းနဲ့ အိပ်ပျော်သွားတယ်။ မနက်အိပ်ယာကနိုးလို့ ကျောင်းသွားတော့ အမှတ်မထင် ဝေနှင်း ကို တွေ့လိုက်ရတယ်။ အနာက သက်သာသွားလို့ ကျောင်းစတက်တာတဲ့။ ၀မ်းသာအားရနဲ့ ချစ်သူဆီကို စာအုပ်လေးတွေ လှမ်းပေး မိတယ်။ အေးအေးဝင်း၊ ၀င်းမြင့်၊ ကျွန်တော်၊ ဝေနှင်း လေးယောက်သား လက်တွဲပြီးစာသင်ခန်းကို ချီတက်ခဲ့ကြတယ်။ ကျောင်းဆင်း တော့ အိမ်ကို တန်းပြန်လာတယ်။ လွယ်အိတ်ချပြီးတာနဲ့ ထော်လဂျီကို စက်နှိုးပြီး ဆားတွင်းတွေဘက် ထွက်လာခဲ့တယ်။ ဆားကြမ်း တွေကို ထော်လဂျီနဲ့ သယ်ပြီး အိမ်ပြန်လာတယ်။ အိမ်ပြန်ရောက်ရောက်ခြင်း ရေချိုးဖို့လုပ်နေတုန်း မမကြီးက မီးဖိုချောင်ထဲကနေ လှမ်းပြောတယ်။ ကိုမိုးရေ… ခုနကဘဲ ဝေနှင်းလာသွားတယ် မင်းပြန်လာရင် အေးအေးဝင်းတို့ ဆိုင်ကိုလာခဲ့ပါတဲ့။ ဟုတ်ကဲ့လို့ ပြန် ပြောရင်း ကမန်းကတန်း ရေချိုးလိုက်တယ်။ အ၀တ်အစားလဲပြီးတာနဲ့ အေးအေးဝင်းတို့ဆိုင်ကို သွားမိတယ်။ ကျွန်တော့်ကို တွေ့တွေ့ ချင်း အေးအေးဝင်း ပြေးထွက်လာပြီး မိုးကျော်သူ နင် ဝေနှင်းကို ရည်းစားစာ ပေးတယ်ဆို ဟုတ်လား ဟိုမှာ စိတ်ဆိုးနေပြီ ဟ သွား လိုက်ပါဦး။ ပြောပြောဆိုဆို နဲ့ အေးအေးဝင်းထ ထွက်သွားတယ်။ ကျွန်တော်လည်း ဇဝေဇ၀ါနဲ့ ငါလည်း မရေးရပါလား လို့ ကိုယ့် ကိုယ်ကို ပြန်ပြောရင်း ဝေနှင်းဆီကို လာခဲ့မိတယ်။ ချစ်သူရဲ့ နှုတ်ခမ်းလေးက ဆူလို့။ ကျွန်တော့်ကို မြင်တော့ ဝေနှင်း က
“ ဒီမှာ မိုးကျော်သူ နင်ကိုငါက ကျောင်းမတက်နိုင်လို့ မမှီတဲ့ စာလေးတွေ ကူးပေးပါဆိုပြီး အကူအညီတောင်းတာ နင်က ငါ့ကို ရည်းစား စာပါထည့်ပေးလိုက်တယ် ပေါ့ဟုတ်လား ”
ကျွန်တော်လည်း ဘာပြောရမှန်းမသိတော့။ “နင် ဘာ တွေလာပြောနေတာလဲ ဝေနှင်း နင်ပြောတာကို ငါ နားမလည်ဘူးဟာ”
“အေး နင် မသိချင်ယောင် ဆောင်မနေနဲ့ မိုးကျော်သူ ဒီမှာကြည့် နင့် လက်ရေးကြီးနဲ့ ရေးထားတဲ့ ကဗျာ။ ကဲ တွေ့ပြီလား။ နင် ဘာငြင်းချင်သေးလဲ”
ကျွန်တော် ခဏတာ ငြိမ်သက်သွားမိသည် လူမသိအောင် သူ့ကို ချစ်တဲ့ အကြောင်းလေးတွေကို ကဗျာလေးရေးမိပါတယ်။ သူ့စာအုပ်ထဲမှာ မှ သွားရေးမိသည့် ကိုယ့်အဖြစ်ပါလား။ ကျွန်တော်လည်း နောက်ဆုံး မထူးတော့ပါဘူးကွာ ဆိုပြီး….
“ ဟုတ်တယ် ဝေနှင်း ငါ နင့်ကို ချစ်နေတာ ကြာလှပြီ … သူငယ်ချင်းဆိုတဲ့ အတွေးတွေကြောင့် နင့်ကို ငါ ဖွင့်မပြော ဖြစ်ခဲ့တာပါ။ အခု နင်သိသွားပြီဆိုတော့ ငါ မြိုသိပ်မထားတော့ပါဘူး။ ငါ့ဘ၀ရဲ့ လက်တွဲဖော်အဖြစ် ရည်ရွယ်ပြီး နင်ကို ချစ်တယ် လို့ ပြောပါရစေ”
ကျွန်တော်လည်း ရင်ထဲမှာ ရှိသမျှ စကားတွေကို အိတ်သွန်ဖာမှောက် ပြောချမိ၏။ ကျွန်တော် စကားလည်း ဆုံးရော ဝေနှင်း တစ် ယောက် အင်း မလုပ် အဲ မလုပ်နဲ့ ကျွန်တော့်ရှေ့ကထွက် သွားပါတော့တယ်။ နောက်နေ့ကစပြီး ကျွန်တော့်ကို ဝေနှင်း ကောင်း ကောင်း စကားမပြောတော့ အေးအေးဝင်း နဲ့ ၀င်းမြင့် ကလည်း ကျွန်တော့်အတွက် စိတ်မကောင်းကြ။ ဝေနှင်းကို ဖြောင်းဖျပြော သော်လည်း ဘာမှ ပြန်မပြော။ ကျွန်တော် ဘာဆက်လုပ်လို့ လုပ်ရမှန်း မသိတော့။ ချစ်သူရဲ့ ဥပက္ခာပြုမှုတွေကို ခံစားရတော့ လူ က ကျောင်းစာထဲမှာ စိတ်မပါ။ မျက်နှာက မရွှင်ပြ ဘာလုပ်လို့ ဘာကိုင်ရမှန်း မသိတော့။ စဉ်းစားကြည့် ကြပါဦးဗျာ။ မိန်းကလေး တစ်ယောက်ကို ချစ်တယ်လို့ ဖွင့်ပြောတာ အပြစ်တဲ့လား။ မနက်အိပ်ယာက နိုးလို့ ဝေယျာဝစ္စတွေ လုပ်ပြီးတာနဲ့ ကျောင်းသွားဖို့ ကျွန်တော် ပြင်ဆင်နေတုန်း အိမ်ဝိုင်းထဲကို အဖြူ နဲ့ အစိမ်း ၀တ်စုံလေးနဲ့ အမှတ်မထင် ဝေနှင်းကို တွေ့လိုက်ရပါတယ်။ ကျွန်တော့် စိတ်ထင် မမလတ် ဆီလာတာလို့ပဲ တွေးမိသည်။ ကျွန်တော့်ဆီကိုတော့ ဘယ်လို နည်းနဲ့မှ လာစရာအကြောင်းမရှိ။ စိတ်ကူးနဲ့ ပြော နေတုန်းဘဲ ရှိသေးသည်။ “ အစ်မ မိုးကျော်သူ ရှိလား၊ ဝေနှင်း ကျောင်းသွားမလို့ သူ့ကို လာခေါ်တာ” တဲ့။ ကျွန်တော့် နားကြားများ လွဲသလား မသိ။ မမလတ်က “ရှိတယ် ဝေနှင်း ရေ” လို့ ပြန်ပြောမှ ကျွန်တော်ကြားတာ အမှန်ဖြစ်ကြောင်း သိတော့သည်။ အိမ်မှ စ ထွက်ပြီး လမ်းတ၀က် ရောက်သည်အထိ ဘာစကားမှ မပြောဖြစ်ကြသေး။ ကျောင်းသို့ ရောက်ခါနီး ထနောင်းပင်ကြီးနားရောက် တော့မှ ဝေနှင်းက စကားစဆိုသည်။
“ မိုးကျော်သူ နင် ငါ့ကို ချစ်တာ တကယ်ပြောတာလား”
ကြည့်ပါလား၊ ကျောင်းဝတ်စုံလေးနဲ့ သနပ်ခါး ပါးကွက်ကြားလေး ကွက်ပြီး လှချင်တိုင်း လှနေတဲ့ ချစ်သူလေးကို “ တကယ်ပြောတာ ပါ ဝေနှင်း ရယ်” လို့ ပြန်ပြောပြလိုက်ချင်တယ်။ ဒါပေမယ့် မပြောဖြစ်ပါဘူး။ ခေါင်းလေး တစ်ချက်ဘဲ ငြိမ့်ပြဖြစ်တယ်။ ကျွန်တော့်ရင် ထဲမှာ ဘာတွေရှိနေတယ် ဆိုတာ သူ မြင်နိုင် သိနိုင်မှာပါ။
“ ခေါင်းမငြိမ့်နဲ့ ဟာ ပါးစပ်နဲ့ပြော ”
ကျွန်တော် ခဏတာ ငြိမ်သက်နေမိသည်။
“ နင် ဘာတွေ စဉ်းစားနေတာလဲ မိုးကျော်သူ ”
“ ဘာမှ မစဉ်းစားပါဘူးဟာ နင့်အတွက် ချစ်တယ်ဆိုတဲ့ စကားထက် လေးနက်တဲ့ စကားလုံးတွေ ပြောဖို့ လိုက်ရှာနေတာပါ၊ နင်ရော ငါ့ကို ချစ်တယ် မဟုတ်လား ဟင်”
ကျွန်တော် မေးတော့ သူ မဖြေ တုပ်တုပ်မှ မလှုပ် တစ်ခွန်းတည်းသော စကားကို ဆို၏။
“ အင်း ” တဲ့။
“ ဘာ အင်း တာလဲ သေချာပြောလေ ဟာ ”
“ နင်ကလည်း မိုးကျော်သူ နင် ဒါလေးတောင် မသိဘူးလား၊ ငါ စိတ်မရှည်တော့ဘူးနော် ချစ်တယ် ဟာ ချစ်တယ် ကဲ သိပြီလား ”
မပြောတော့လည်း မပြောလို့ ပြောပြန်တော့လည်း စကားတွေက ဖြောင့်နေတာပါဘဲ။ နှုတ်ခမ်းဆူဆူလေးနဲ့ ပြောလာတဲ့ ဝေနှင်းရဲ့ လက်ကလေးကို ဆုပ်ကိုင်ထားလိုက်မိတယ်။ ဆောင်းနှင်းငွေ့တွေနဲ့ နေခြည်ထိုးခါစ ရွှေအိုရောင် မြူနှင်းတွေ ကြားထဲမှာ ချစ်သူ လက်ကို ကျောင်းနား ရောက်တဲ့ အထိ ဆွဲကိုင်လာမိတယ်၊ သူငယ်ချင်း ၄ ယောက်ရှိတဲ့အနက် ကျွန်တော်နဲ့ ဝေနှင်းက ချစ်သူတွေ ဖြစ်သွားကြပြီဆိုတော့ ကျန်တဲ့ ၀င်းမြင့်နဲ့ အေးအေးဝင်းကိုလည်း ကျွန်တော်တို့လိုပဲ ဖြစ်စေချင်တာပေါ့။ ဒါပေမယ့် ဘယ်လိုပဲ တိုက် တွန်း တိုက်တွန်း သူတို့ကတော့ နေမြဲအတိုင်းပါဘဲ။ ဘာမှ ပိုမထူးပါဘူး။ နောက်ဆုံးတော့ ကျွန်တော်နဲ့ ဝေနှင်းလည်း သူတို့နှစ် ယောက်ကို ဘာမှ မပြောဖြစ်တော့ပါဘူး။ ချစ်သူတွေ ဖြစ်ပြီးတဲ့ အချိန်မှာ ဝေနှင်းက ကျွန်တော့်ကို မောင် လို့ခေါ်တယ်။ ကျွန်တော် ကတော့ ဝေနှင်းလို့ပဲ ခေါ်ပါတယ်။
ကျောင်းပိတ်ရက် တစ်ရက်မှာတော့ ကိစ္စတစ်ခုပေါ်လာတယ်။ ဘာလဲဆိုတော့ ဆားတွင်းမှာ ရှိတဲ့ တဲအိမ်ကလေးမှာ ကျွန်တော်နဲ့ ကိုအောင်ဝင်း ညစောင့် အိပ်ရတယ်။ အရင်ကလည်း ဒီလိုဘဲ ကျောင်းပိတ်ရက်တွေမှာ ကျွန်တော် သွားသွား အိပ်ပါတယ်။ သြော် … ပြောဖို့ တစ်ခုကျန်သွားတယ်။ ဝေနှင်း မိဘတွေပိုင်တဲ့ ဆားတွင်းတစ်ခုနဲ့ ကျွန်တော်တို့ ဆားတွင်းတစ်ခုနဲ့က ကပ်နေတာလေ။ တိုက် တိုက်ဆိုင်ဆိုင်ပါပဲ အဲဒီနေ့က ဝေနှင်းလည်း သူတို့ပိုင်တဲ့ ဆားတွင်းက တဲကလေးမှာ ည စောင့်အိပ်ရတယ်။ အရင်က သူ့အဖေနဲ့ အစ်မ အိပ်တာပါ။ ဒါပေမယ့် အဲဒီနေ့က သူ့အမေနေမကောင်းတာနဲ့ သူ့အစ်မက အိမ်ပြန်အိပ်ပါတယ်။ အမှတ်မထင်ပါဘဲ သူနဲ့ ည ပိုင်း ကာလလေးမှာ တွေ့ဆုံခွင့် ရခဲ့ပါတယ်။ သူ့အဖေက ညဦးပိုင်း အစောကာလကတည်းက အိပ်ယာထဲကို ၀င်သွားတယ်။ ကျွန်တော်တို့ တဲကလေးရဲ့ နောက်ဖေးလေးမှာ ကျွန်တော်နဲ့ ဝေနှင်းတွေ့ဆုံခွင့် ရခဲ့ပါတယ်။ ချစ်သူကို ရင်ခွင်ထဲမှာ ပွေ့ပိုက်ထားပြီး ချစ်စကားတွေ ပြောဖြစ်ခဲ့ကြတယ်။ စကားပြောနေတုန်း မိုးကောင်းကင်ကြီးကို မော့ကြည့်ဖြစ်တယ်။ ကျွန်တော်တို့ ၁၀ တန်း သင် ခန်းစာထဲမှာ ပါတဲ့ ခွန်ဆန်လောနဲ့ နန်းဦးပြင် အကြောင်း ပြောဖြစ်ကြတယ်။ သူတို့နှစ်ဦးဟာ မေတ္တာမျှပြီး ချစ်ကြတာတောင်မှ မိဘ တွေကြောင့် သေကွဲ ကွဲခဲ့ရတယ်။ အဲဒါတင် မကသေးဘူး သေကွဲ ကွဲတာတောင်မှ ကျိန်စာသင့်ခဲ့ကြတဲ့ အကြောင်းတွေကို ပြောပြီး ခွန်ဆန်လောနဲ့ နန်းဦးပြင်တို့ရဲ့ ကြယ်သင်္ကတလေးကို နှစ်ယောက်သား ငေးကြည့်နေမိတယ်။ ကျွန်တော်တို့ နှစ်ယောက်အကြောင်း ကို မိဘတွေဆီမှာ ဖွင့်ပြောပြရင် သဘောမတူနိုင်စရာ အကြောင်းမရှိကြောင်း၊ သူ့ကို ကျွန်တော်ဘယ်လောက် ချစ်ကြောင်းတွေကို အလှပဆုံး စကားလုံးတွေ စီပြီး ပြောပြဖြစ်တယ်။ ဝေနှင်းက “ချစ်တာကို ယုံပါတယ်၊ ဒါပေမယ့် ကံကြမ္မကိုတော့ မယုံရဲဘူး မောင် ရယ်” ဆိုပြီး ရင်ခွင်ထဲကို တိုးဝင်လာတယ်။ မမြင်ရတဲ့ ကံကြမ္မာတွေကို တွေးပြီးစိတ်ပူနေတဲ့ ဝေနှင်းကို အနမ်းတွေနဲ့ ဖြေသိမ့်နေမိ တယ်။ နောက်ဆုံးတော့ ကျွန်တော်နဲ့ ဝေနှင်း စိတ်ကူးအိပ်မက် ကျွန်းလေးဆီကို နှစ်ဦးသား အတူတကွ သွားခဲ့မိကြပါတယ်။ သိပ်လှ တဲ့ ကျွန်လေးပါ။ ကျွန်းလေးက ပြန်လာတော့ ကျွန်တော်တို့နှစ်ယောက် တစ်ယောက်ကိုတစ်ယောက် အပြန်အလှန် ကြည့်မိကြပါ တယ်။ ကိုယ်စီ နှစ်ဦးလုံးရဲ့ မျက်လုံးတွေမှာ ရှက်ရိပ် အနည်းငယ် သန်းနေတာပါပဲ။ သြော် …သူလည်း ရှက်ရှာပေမပေါ့။ ကျွန်တော် လည်း ရင်တွေခုန်နေတာပါပဲ။
ပညာရေး တစ်ပိုင်းတစ်စနဲ့မို့ ကျွန်တော်တို့ နှစ်ယောက်ရဲ့ အခြေအနေကို သူငယ်ချင်း ၄ ယောက်မှ အပ ဘယ်သူမှ မသိစေရဘဲ ကျောင်းစာတွေထဲဘဲ စိတ်တွေ ပြန်နှစ်ထားခဲ့ပါတယ်။ တစ်ဖြည်းဖြည်းနီးလာတဲ့ စာမေးပွဲအတွက် တဘက်ကနေ ပြင်ဆင်ရင်း ဘ၀ ရှေ့ရေးအတွက်လည်း အဆင်သင့် ဖြစ်အောင် ပြင်ဆင်ထားပါတယ်။ မိသားစုထဲမှာ ယောကျာ်းလေးဆိုလို့ ကျွန်တော် တစ်ယောက် တည်းပါတာဆိုတော့ အိမ်ရဲ့ စီးပွားရေးလုပ်ငန်းဖြစ်တဲ့ ဆားလုပ်ငန်းကို ကျွန်တော် ၀င်ရောက်ပြီး လုပ်ကိုင်ရုံပါဘဲ။ အရင်က ဆိုရင် ကိုအောင်ဝင်း တစ်ယောက်တည်း မြို့ကိုတက်ပြီး ဆား သွားရောင်းပါတယ်။ ဒါပေမယ့် နောက်ပိုင်း ကျောင်းအားရက်တွေမှာတော့ ကျွန်တော်လည်း မြို့ကိုလိုက်ပြီး ဆားကုန်သည်တွေနဲ့ ရင်နှီးအောင် လိုက်သွားပါတယ်။ ကျွန်တော့်ရဲ့ စိတ်ကူးကတော့ ၁၀ တန်းဖြေ ပြီးတာနဲ့ အိမ်ရဲ့ စီးပွားရေး လုပ်ငန်းထဲကို ၁ နှစ်လောက် ၀င်ရောက်လုပ်ကိုင်ပြီး အခြေကျတာနဲ့ ဝေနှင်းကို မိသား ဖသားပီပီတောင် ရမ်းလက်ထပ်ယူဖို့ပါ။ အဲဒီ စိတ်ကူးတွေနဲ့ တဘက်ကလည်း ပညာရေးအတွက် ကြိုးစားသလို တဘက်ကလည်း စီးပွားရေးလုပ်ငန်း တွေကို လေ့လာတယ်။ အချစ်ဆိုတာကို ခံစားမိလာကြရင် အနာဂတ်လှပဖို့ အတွက် လူတိုင်းလူတိုင်း ကြိုးစားကြတာပါဘဲ။
တစ်ရက်မှာတော့ ဝေနှင်းက တွေ့နေကျ နေရာလေးမှာ တွေ့ဖို့ ကျောင်းက အပြန်မှာ ကျွန်တော့်ကို ပြောတယ်။ အရေးကြီးတဲ့ ကိစ္စ ပြောမှာမို့လို့ ရောက်အောင်လာခဲ့ဖို့ သေချာမှာတယ်။ ညနေ ဆားတွင်းက ပြန်လာပြီး ရေမိုးချိုး ပြီးတာနဲ့ ဝေနှင်းနဲ့ တွေ့နေကြနေရာ လေးကို လာခဲ့မိတယ်။ ကျွန်တော်ရောက်ပြီး သိပ်မကြာပါဘူး ဝေနှင်းရောက်လာတယ်။ ဘာများအရေးကြီးလို့လဲလို့ မေးတော့ သူ ပြောသင့်၊ မပြောသင့် ခဏစဉ်းစားနေသေးတယ်။ နောက်ဆုံးကျတော့မှ ခေါင်းလေးငုံ့ပြီး ကျွန်တော့်ကို ပြောတယ်။
“မောင် …. ဝေနှင်းမှာ …”
ကျွန်တော် သဘောပေါက်လိုက်ပါတယ်။ သူမရဲ့ နှုတ်ခမ်းလေးကို လက်ညှိုးလေးနဲ့ အသာပိတ်လိုက်ပါတယ်။
“ သေချာရဲ့လား ဝေနှင်းရယ်”
“သေချာသလောက် ရှိတယ်မောင်၊ ဝေနှင်းသတိထားမိတာ တစ်ပတ်လောက်ရှိပြီ”
“ဝေနှင်း ရယ်…”
စိတ်အားငယ်နေတဲ့ ချစ်သူကို ကျွန်တော် အားပေး စကားတွေ ပြောတယ်။ သူ့ကို ကျွန်တော် ယောကျာ်းပီပီ လက်ထပ်မယ်လို့ ကတိ ပေးလိုက်တယ်။ ၁၀ တန်းစာမေးပွဲကြီးနီးမှ အခုလို ဖြစ်လာရတယ်လို့ သူ့ကိုယ်သူ အပြစ်တင်စကားတွေ ပြောပြီး ကျွန်တော့်ရင်ခွင် ထဲမှာ ငိုနေတယ်။ ချစ်သူစိတ်ထဲမှာ ဖြစ်နေတဲ့ စိုးရိမ်စိတ်တွေ ပျောက်ကွယ်သွားစေမယ့် စကားလုံးတွေ ရွေးချယ်ပြီးကျွန်တော် ပြော နေမိတယ်။ နောက်ထပ် ၂ ပတ်လောက် အခြေအနေ စောင့်ကြည့်ပြီး မိဘတွေကို ဖွင့်ပြောပြ လက်ထပ်ကြမယ်လို့… အလေးအနက် ထားပြီး ဝေနှင်းကို ပြောလိုက်မိတယ်။ ဘာပဲပြောပြော အထိုက် အလျောက်တော့ ဝေနှင်း စိတ်အေးသွားပုံ ရပါတယ်။
သိပ်မကြာပါဘူး ဝေနှင်းက အားလုံးအဆင်ပြေသွာပြီလို့ ပြောတယ်။ ဘယ်လို အဆင်ပြေသွားတာလဲလို့ ကျွန်တော် ကမေးတော့ သူ အေးအေးဝင်း ကိုဖွင့်ပြောပြပြီး ဒီကိစ္စကို တိုင်ပင်တယ်။ အေးအေးဝင်းက သူလုပ်ပေးမယ် ဆိုပြီး သူ့ဆေးဆိုင်ကနေ ဆေးတွေယူလာ တယ်။ အဲဒီဆေးတွေသောက်လိုက်တာနဲ့ ပုံမှန်အတိုင်း ပြန်ဖြစ်သွားတာလို့ ပြောပြတယ်။ ဘာဘဲဖြစ်ဖြစ် အခုအခြေအနေက စာမေး ပွဲလည်း ဖြေခါနီး ဖြစ်နေလို့ ဒီလိုလုပ်လိုက်တာ အကောင်းဆုံးဘဲလို့ သူကပြောတယ်။ ကျွန်တော် အဓိက စိုးရိမ်တာက အဲဒီလိုဆေး တွေ သောက်လိုက်လို့ ဝေနှင်း တစ်ခုခု ထိခိုက်သွားမှာကို စိုးရိမ်တာပါ။ ဘယ်လိုဘဲ ဖြစ်ဖြစ် ဝေနှင်းကို အခုလက်ထပ်ဆိုလည်း ကျွန်တော် လက်ထပ်နိုင်ပါတယ်။ ကျွန်တော် ကြိုးစားသွားမယ့် အနာဂတ် အစီအစဉ်လေးတွေကို ပြောပြတော့ ချစ်တဲ့ ဝေနှင်းက ကျွန်တော့် ပုခုံးပေါ်မှာ ခေါင်းလေးမှီပြီး နားထောင်နေတယ်။ ဒီနေ့က စပြီး စာမေးပွဲအတွက် စပြီးကြိုးစားကြဖို့ စကားလမ်းကြောင်း လွှဲလိုက်တယ်။ ၁၀ တန်းအောင်ပြီးတာနဲ့ သူရော၊ ကျွန်တော်ပါ မြို့ကိုတက်ပြီး တက္ကသိုလ်ဆက်မတက်တော့ဘဲ နှစ်ယောက်စလုံး အတွက် ကြိုးစားပြီး ပိုက်ဆံစုကြဖို့ ဆုံးဖြတ်ခဲ့ကြတယ်။
ဒီလိုနဲ့ဘဲ မတ်လပိုင်းမှာ ကျွန်တော်တို့နှစ်ယောက်လုံး ၁၀ တန်းစာမေးပွဲကို ကောင်းမွန်စွာ ဖြေဆိုပြီးခဲ့ပါတယ်။ ကြားကာလတွေမှာ တော့ အေးအေးဝင်းရဲ့ အကူအညီကြောင့် ကျွန်တော်တို့ နှစ်ယောက်မှာ ဖြစ်လာတဲ့ ပြဿနာတစ်ခုကို ဖြေရှင်းနိုင်ခဲ့ပါတယ်။ စာမေး ပွဲကြီးဖြေဆို ပြီးတဲ့နောက်ပိုင်းမှာတော့ ကျွန်တော်ဟာ စီပွားရေးကိုအရင် ကထက်ပိုပြီး ကြိုးစားလုပ်ကိုင်ခဲ့ပါတယ်။ ဆားလုပ်ငန်း တစ်ခုတည်းနဲ့ မဟုတ်ဘဲ ငါးပိ၊ ငါးခြောက်၊ ပုဇွန်တွေပါ ကျွန်တော် မြို့တက်ပြီးဒိုင်တွေမှာ ကျွန်တော် သွားရောက်တဲ့ လုပ်ငန်းတစ်ခု ပါ ထပ်တိုးပြီး လေ့လာလုပ်ကိုင်ခဲ့တယ်။ ဝေနှင်းကလည်း သူတတ်နိုင်သလောက် မိဘလုပ်ငန်းကို ကူညီလုပ်ကိုင်ပေးရင်း တစ်ဘက် တလမ်းကနေ ကိုယ်ပိုင် ၀င်ငွေအဖြစ် စက်ချုပ်ပါတယ်။ အနာဂတ် ဘ၀လေးတစ်ခု ကိုရည်ရွယ်ပြီး သူရော ကျွန်တော်ရော ကိုယ်ဆီ အသိစိတ်တွေနဲ့ ကြိုးစားခဲ့ကြပါတယ်။ အကြောင်းတိုက်ဆိုင်စွာနဲ့ ဆားတွင်ထဲက တဲကလေးမှာ သူစောင့်အိပ်ရတဲ့ ရက်တွေဆိုရင် ကျွန်တော်နဲ့ ဝေနှင်း ညပိုင်းမှာ တွေ့ဖြစ်ကြတယ်။ အဲဒီလို တွေ့ဖြစ်ကြရင်လည်း အိပ်မက်ကျွန်းလေးဆီကို ရောက်ရောက်သွားကြ တယ်။ တရက်ပြီး တရက် ရက်တွေ ကုန်ဆုံးလာလိုက်တာ ကျွန်တော်တို့ ၁၀တန်းအောင်စရင်းတွေ ထွက်ဖို့ ရက်နီးလာပါတယ်။ ဇူလိုင်လရဲ့ နောက်ဆုံးအပတ်မှာ အောင်စရင်းတွေ ထွက်လာပါတယ်။ ကျွန်တော်က ၁၀တန်းကို ဂုဏ်ထူး ၂ခုနဲ့ အောင်ပါတယ်။ ကျန်တဲ့ လူတွေအားလုံး ၁၀တန်း စာမေးပွဲ ကျတယ်။ အားငယ်နေတဲ့ ဝေနှင်းကို အားပေးစကားတွေနဲ့ နှစ်သိမ့်မိတယ်။ သူကပြော တယ်။ နောက်နှစ် ဆက်မဖြေတော့ဘူးတဲ့။ ကျွန်တော်ဘာမှ ဆက်မပြောတော့ပါဘူး။ သူ စာမေးပွဲ အောင် အောင် ကျ ကျ ကျွန်တော်ကတော့ ချစ်နေမှာပဲ။ လက်ထပ်မှာပါဘဲ။ ဒါပေမယ့် …… ဒါပေမယ့် ပေါ့ဗျာ…..

ဆက်ဖတ်ရန်...

Oct 19, 2007

ကျေးဇူး

မင်္ဂလာပါ ခင်ဗျာ။ ကျွန်တော် ဘလောဒ့်ဘက်ကို လှည့်မကြည့်ဖြစ်တာ တော်တော်လေးကို ကြာပါပြီ။ ၁လ ကျော်လောက် ရှိမယ်ထင်ပါတယ်။ လုံးလုံးကို ပစ်ထားမိတယ်။ အားလုံးကို လုံးဝ လှည့်မကြည့်ဖြစ်တာပါ။ ကျွန်တော့် ဘလောဒ့်တောင် ကျွန်တော် ၀င်မကြည့်ဖြစ်လောက်အောင်ကို ဖြစ်သွားတယ်။ လူကလည်း မအား၊ စိတ်ကလည်း မအားနဲ့ ဖြစ်နေလို့ လို့အကြောင်းပြရမှာပဲ။ စိတ်ပါတဲ့အချိန်ကလေးမှာ ရေးထား လိုက်၊ မပါရင်လည်း ဒီလိုပဲ ပစ်ထားလိုက်နဲ့ ရေးလက်စ ပို့စ်လေးတွေတော့ ရှိပါတယ်။ နောက်နေ့တွေ၊ နောက်နေ့တွေကစပြီး ကျွန်တော့်ရဲ့ ပို့စ်အသစ်လေးတွေကို ဆက်တိုက်ဆိုသလို တင်သွားပါ့မယ်။ ကျွန်တော် ပို့စ်အသစ်တွေ မတင်နိုင်သေးတဲ့ အချိန်မှာ ကျွန်တော့်ဘလောဒ့်လေးကို လာရောက် လည် ပတ်တဲ့ သူငယ်ချင်း၊ မိတ်ဆွေ အားလုံးကို နွေးထွေးစွာ ကြိုဆိုပြီး၊ လာလည်အတွက် ကျေးဇူးအများကြီး တင်ရှိပါတယ်လို့ ပြောပါရစေခင်ဗျာ။ နောက်နေ့တွေက စပြီး ဆက်တိုက်ဆိုသလို ပိုစ့်တွေကို တင်သွားပါ့ မယ် ခင်ဗျာ…

ကျေးဇူးတင်စွာဖြင့်
မိုးစက်
19.10.2007 ( 12:13 AM)

ဆက်ဖတ်ရန်...