ပြန်လည်နိုးထလာစေချင်သော ပုံရိပ်များ (၁)

ကျွန်တော် ညစာထမင်းစားပြီးတဲ့အချိန်၊ စာကြည့်မလို့လုပ်တုန်းမှာပဲ ကျွန်တော့်အစ်ကိုက လာခေါ်တယ်။ မိန်းထဲသွားမယ် လိုက်မလားတဲ့။ ( ကျွန်တော်တို့ မန္တလေးသား၊ မန္တလေးသူ တွေက တက္ကသိုလ်ဘက်သွားမယ် ဆိုရင် မိန်းထဲကို၊ မိန်းဘက်ကို သွားမယ်လို့ ပြောလေ့ရှိပါတယ် ) ကျွန်တော် က အလယ်တန်းကျောင်းသားဘဲ ရှိသေးတာဆိုတော့ မိန်း ဆိုတာ ကြားဘဲ ကြားဘူးသေးတာ။ မရောက်ဘူးတော့ လိုက်ကြည့်ချင်တဲ့ စိတ်က တားမရဘူး။ အဲဒါနဲ့ အစ်ကိုနဲ့အတူ မိန်းထဲကို လိုက်သွား ဖြစ်တယ်။ အိမ်က ကားနဲ့ ဗန်းမော်တိုက် လမ်ကြားထဲ ကို မောင်းဝင်သွားတယ်။ လမ်းထဲက ထမင်းဆိုင် တစ်ဆိုင်မှာ သူ့သူငယ်ချင်း တစ်ယောက်ကို ၀င်ခေါ်တယ်။ ပြီးတာနဲ့ ကျွန်တော်တို့ မိန်းနားက လက်ဘက်ရည်ဆိုင် တစ်ဆိုင်ကို သွားကြတယ်။ အဲဒီမှာ ကျွန်တော့်အစ်ကိုရဲ့ သူငယ်ချင်း ၅ ယောက်လောက် ထိုင်ပြီး စောင့်နေကြလေရဲ့။ ကျွန်တော့်အစ်ကိုက " ကျော်ကြီး လူစုံပြီလား၊ သွားကြမယ်လေ၊ တော်ကြာအဆောင်ရှေ့မှာ အဖွဲ့တွေများနေရင် မကောင်းဘူး၊ အရင်နေ့ကကောင်တွေနဲ့ရော ညှိပြီး ပြီ လား … တော်ကြာ ရက် တိုက်နေဦးမယ်" " ဟာကွာ၊ မင်းကလည်း ကျော်ကြီးပါ၊ အားလုံး Arrange လုပ်ပြီးသား" " အိုကေ …အဲဒါဆို ငါတို့ ဒိုးကြမယ်" အဲဒီအဖွဲ့ထဲက အစ်ကိုတစ်ယောက်က ရေနွေးအိုး ကိုကိုင်ပြ ပြီ "နေဦး ငှက်ကြီးရ ( ကျွန်တော့်အစ်ကို) ဒီတစ်အိုး ကုန်ရင်ထမယ်ကွာ၊ ခဏလေး ကုန်တော့မယ်" "အိုကေ … အိုကေ အဲဒါဆိုလုပ်လုပ်" ကျွန်တော်လည်း ရေဆာသလိုရှိတာနဲ့ ရေနွေး ဖန်ခွက်ကလေးကို ကိုင်ပြီး ရေနွေး ခရားကိုကိုင်ပြီး ထည့်မယ်လိုအလုပ် " ဟာ … ဟာ ညီလေး မလုပ်နဲ့ မလုပ်နဲ့ အထဲက ရေနွေးတွေမဟုတ်ဘူး" ပြောပြောဆိုဆိုနဲ့ ကျွန်တော်လက်ကို လှမ်းတားပါတယ်။ "ညီလေးသောက်ချင်ရင် လက်ဘက်ရည်မှာသောက် နော်" ဆိုပြီး ကျွန်တော့်အတွက် လက်ဘက်ရည် တစ်ခွက်မှာပေးပါတယ်။ နောက်မှသိရတယ်။ ရေနွေးခရား အိုးထဲကို Mandalay Rum တွေထည့်ပြီး သောက်နေကြတာလေ။ လက်ဘက်ရည်ဆိုင်မှာ အရက်သောက်မယ် လို့ ကျွန်တော်လည်း မထင်ဘူး ပေါ့။ နောက်မှ ကိုကျော်ကြီးဆိုသူက " လူစုမယ်လို့ ပြောထားတာ လက်ဘက် ရည်ဆိုင်ဆိုပြီး ပြော လိုက်လို့ ဆိုင်မှာမသောက်တော့ဘဲ ဒီမှာဘဲ သောက်လိုက်တော့တယ်။ ဆိုင်ရှင်က နည်း နည်းရစ်တတ် လို့ ရေနွေးအိုးထဲ ထည့်ပြီးသောက်နေကြတာ" တဲ့။ ပြီးတာနဲ့ ကျွန်တော်တို့ လက်ဘက်ရည်ဆိုင် ကနေ ထွက်ခဲ့ကြတယ်။ ကားကို ကိုကျော်ကြီးတို့ အဆောင်ရှေ့မှာ ထားခဲ့ပြီး ကျွန်တော်တို့ အဖွဲ့ လမ်းလျှောက် ထွက်ခဲ့ကြတယ်။

ရေနီမြောင်းကရေတွေ တစ်သွင်သွင် စီးဆင်းနေကြတယ်။ အဆောင်ရှေ့က မီးချောင်းရဲ့ အလင်းက ရေပေါ် မှာထင်ဟပ်ပြီး အလင်းတွေပြန်ကျဲနေတယ်။ အဆောင်ရှေ့က ခုံတန်းလျားလေးမှာ ကျွန်တော်တို့ အဖွဲ့ထိုင်မိ ကြတယ်။ ကိုကျော်ကြီးက ဂစ်တာတစ်လက်ကို ကြိုးညှိတဲ့ အနေနဲ့ Intro လေးစတီးတယ်။ Intro လေးအပြီးမှာ တော့ သံစဉ်တစ်ခုကို ချပြပြီးတီးတယ်။ မှတ်မှတ်ရရ ပထမဦးဆုံး စတီးတဲ့ သီချင်းလေးက ခင်မောင်တိုးရဲ့ " တံခါးဖွင့်ပေးပါ" သီချင်းလေးပါ။ သံစဉ်အလိုက် သီချင်းစာ သားတွေကို အစ်ကိုတို့အဖွဲ့တွေ စည်းချက်ညီညီ လိုက်ဆိုနေကြတယ်။ လက်ဖ၀ါးလေးနဲ့ ပေါင်လေး တွေပုတ်လိုက်၊ လက်ဖျောက်လေးတီးတိုး တီးလိုက်နဲ့ သီဆို လိုက်ကြတာ သီချင်းသံစဉ်လည်းဆုံးရော အဆောင်တံခါးဝမှာ ခေါင်းလေးတွေ ပြူတစ်၊ ပြူတစ်နဲ့ ဟိုတစ်ဖွဲ့၊ ဒီတစ်ဖွဲ့ ထွက်လာကြတယ်။ အစ်ကို တို့က သူတို့အဖွဲ့မှန်းသိအောင် လက်နဲ့ သင်္ကေတလေးတွေလုပ်ပြတယ်။ ထူးအိမ်သင်၊ စိုင်းထီးဆိုင်၊ စိုးလွင်လွင်၊ ဇော်ဝင်းထွဋ်တို့ရဲ့ သီချင်းတွေ ဆက်တိုက်ဘဲ အများဆုံး ဆက်တီး ကြတယ်။ ခဏကြာ တော့ အဆောင်စောင့် ဦးလေးကြီးတစ်ယောက်က လင်ပန်းလေးကိုင်ပြီး အစ်ကိုတို့ကို လာပေးတယ်။ ကျွန်တော့်အစ်ကိုက ၄၅ကျပ်တန်တစ်ရွက် ဦးလေးကြီးကို ထုတ်ပေးလိုက်တယ်။ လင်ပန်းထဲမှာ ဘာ တွေပါတယ်လို့ထင်လဲ … ရေနွေးဓာတ်ဘူး၊ ရေးနွေးခွက် ၅ ခွက်၊ လက်ဖက်သုပ်တစ်ပွဲ၊ ဂျင်းသုပ်တစ် ပွဲ၊ ထန်းလျက်ထုပ် တစ်ထုပ် ပါလာတယ်။ လက်ဖက်သုပ် ပန်းကန်မှာ ဂျိန်းဖောသူ၊ ဂျင်းသုပ်မှာ ပန်းကန်မှာ တောင်ကြီးသူ ဆိုပြီး စာလေးတွေပါ ကပ်ထားတာကို တွေ့လိုက်ရတယ်။ ပြီးတော့ သူတို့ ဆိုစေချင်တဲ့ သီချင်း လေးတွေကိုလည်း စာရွက်လေးတစ်ရွက်မှာ ရေးပြီးတော့ ပေးလိုက်သေးတယ်။ ရေနွေးသောက်၊ လက်ဖက် သုပ်၊ ဂျင်းသုပ်စား ၅ မိနစ်လောက်နားကြတယ်။ ကျွန်တော်က ဘာလို့စာ လေးတွေ ရေးထား တာလဲလို့ မေး ကြည့်တော့ အဆောင်မှာ အခြမ်း ၂ ခြမ်းခွဲထားတယ်တဲ့။ ကိုကျော် ကြီးရဲ့ ကောင်မလေးက မြစ်ကြီးနားက ဆို တော့ ဂျိန်းဖောသူလို့ တင်စားခေါ်ဝေါ်ကြပြီး၊ ကျွန်တော့် အစ်ကိုရဲ့ကောင်မလေးကတော့ တောင်ကြီးကမို့လို့ တောင်ကြီးသူလို့ ခေါ်တာဆိုပြီး ပြောပြတယ်။ လက်ဖက်သုပ်၊ ဂျင်းသုပ် ပန်းကန်လေးတွေကိုင်ပြီး အဆောင် ဘက်ကို ကိုင်ပြပြီး စားပြနေကြတယ်။ ပြီးတာနဲ့ သူတို့ ဆိုပြဖို့ ပြောပြလာတဲ့ သီချင်းစာရွက်လေးကို ထုတ်ပြီး တစ်ပုဒ်ပြီး တစ်ပုဒ် တီးပြ၊ ဆိုပြ ကြတယ်။ ကိုကျော်ကြီးက ဂစ်တာတီးတော်တော် ကောင်းတယ်ဗျာ။ သီချင်း အားလုံးကို ဘာ Note မှ မကြည့်ဘဲ တီးသွားတာ။ အရမ်းပျော်ဖို့ ကောင်းတာဘဲဗျာ။ ည ၁၁ နာရီကျော်ကျော် လောက်မှာ အဖွဲ့ ၁ ဖွဲ့ရောက်လာတယ်။ အဖွဲ့ထဲက တစ်ယောက်က အစ်ကိုတို့ဆီလာပြီးတော့ သူတို့အဖွဲ့ သီချင်း ၃ ပုဒ် လောက် တီးချင်လို့ပါဆိုပြီး ပြောပြလာတယ်။ အစ်ကိုတို့လည်း ခွင့်ပြုလိုက်ရော သူတို့ သီချင်း ၃ ပုဒ် တီးကြပါတယ်။ သူတို့ အဖွဲ့ သီချင်းစပြီးဆိုတဲ့အချိန်မှာဘဲ အဆောင်က အခန်းတစ်ခန်းက မီးလေး ပွင့် လာပါတယ်။ အဲဒီဘက်က အစ်ကိုတွေလည်း အားတွေတက်သွားပြီး အပြုံးတွေနဲ့ သီချင်းတွေ ဆက် တီးကြ တယ်။ သီချင်း ၃ ပုဒ်လည်း ဆိုပြီးရော သူတို့ ကျေးဇူးတင်တဲ့ အကြောင်းပြောပြီး အေးအေး ဆေးဆေးဘဲ ပြန် သွားကြတယ်။ တက္ကသိုလ်ကျောင်းသား အချင်းချင်း နားလည်မှုထားတဲ့ စိတ်သ ဘောထားလေးကို ကျွန်တော် အရမ်းကြိုက်သွားတယ်ဗျာ။ ၁၂ နာရီလောက်မှာ ကျွန်တော်တို့ အဖွဲ့ ပြန်လာကြတယ်။ ကိုကျော်ကြီးတို့ကို နှုတ် ဆက်ပြီး ကျွန်တော်နဲ့အစ်ကို ပြန်လာကြတယ်။ အိမ်ပြန်လာ တဲ့ လမ်းတစ်လျှောက်မှာ အစ်ကိုက သူ့ကောင်မ လေးနဲ့ စတွေ့ခဲ့တာလေးကို ပြောပြလာတယ်။ သူတို့ မေဂျာက ပုဂံ၊ ညောင်ဦး၊ ပုပ္ပါးကိုဘုရားဖူး လေ့လာရေး ခရီးထွက်တဲ့ အချိန်မှာ တွေ့ကြတယ်လို့ ပြောတယ်။ အစ်ကိုရဲ့ ကောင်မလေးက အစ်ကိုတို့မေဂျာက မဟုတ် ဘူး။ တစ်ခြားမေဂျာကနေပြီး သူ့သူငယ်ချင်းတွေခေါ်လို့ လေ့လာရေးခရီးကို လိုက်လာတယ်ဆိုတဲ့အကြောင်း၊ ညပိုင်း ပျော်ရွှင်ဖို့  ကောင်းတဲ့ မီးပုံပွဲအကြောင်း၊ ပါဆယ်ဂိမ်းအကြောင်းလေးတွေကို ပြောပြတယ်။ ကိုယ်တိုင်ပါဝင်ခဲ့သူ မပြောနဲ့ တစ်ဆင့်ပြန်ကြားရတဲ့ ကျွန်တော်တောင် ပုံရိပ်တွေကို မြင်ယောင်ပြီး ကြည်နူးနေမိပါတယ်။ တက္ကသိုလ်ဆိုတာ အဲဒီလို ပျော်ဖို့ကောင်းတာပါလား၊ လွတ်လပ်ပြီး ပျော်ရွှင်ဖို့ကောင်းတဲ့ တက္ကသိုလ် ဆိုတာကို ကျွန်တော် အရမ်းတက်ချင်၊ ရောက်ချင်သွားတယ်။ ရောက်အောင်ကို ကြိုးစားမယ်ကွာလို့ စိတ်ထဲမှာ ဆုံးဖြတ်ထားလိုက်မိတယ်။ အဲဒီတုန်းက ကျွန်တော် ၅ တန်းဘဲ ရှိပါသေးတယ်။ ကျွန်တော် ၁၀ တန်းအောင်တော့ တက္ကသိုလ်မိန်းကြီးထဲမှာ မတက်ရတော့ဘူးတဲ့။ ဦးပိန်တံ တားဘက်မှာ အသစ်ဖွင့်ထားတဲ့ ရတနာပုံ တက္ကသိုလ်ဆိုတာကြီးမှာ သွားတက်ရတယ်။ မိန်းထဲက စိန်ပန်းပင်တွေနဲ့ အဝေးဆုံးကို ရောက်သွားတယ်။ အစ်ကိုနဲ့ အတူမိန်းထဲကို လိုက်လည်တုန်းက ငါ တက္ကသိုလ်ရောက်ရင် ဘယ်ဆိုင်မှာ ထိုင်မယ်။ ဒီစိန်ပန်းပင်ကြီးအောက်မှာ ကဗျာတွေလာရေးမယ်… စသဖြင့် ကျွန်တော်ရဲ့ စိတ်ကူးပုံရိပ်တွေအား လုံး ဝေးလွင့်ခဲ့ရတယ်။ အဆောင်တွေဆိုရင်လည်း ပုံစံ တွေ အနေအထားတွေ အားလုံး ပြောင်းလဲခဲ့တယ်။ ရင်နှီးတဲ့ သူငယ်ချင်းတော်တော်များများက ရတနာပုံ တက္ကသိုလ်အနားက အဆောင်တွေမှာ နေတာများတယ်။ ကိုယ်က မြို့ထဲမှာနေတဲ့ သူဆို တော့ သွားရလာရ အရမ်းခက်ခဲတော့ ညပိုင်းတွေ မသွားဖြစ်ဘူး။ ကျွန်တော့် အစ်ကိုနဲ့ အတူ လာတုန်း က မိန်းကြီးရဲ့ ပုံရိပ်တွေနဲ့ အခုကျွန်တော်ကြုံတွေနေရတဲ့ မိန်းကြီးနဲ့က အရမ်းကို ကွာခြားသွားတယ်။ ပျော်ဖို့တော့ အထိုက်အလျောက်ကောင်းပါတယ်။ ဒါပေမယ့် ပုံရိပ်တွေ ကွာခြားနေတယ်လို့ ကျွန်တော် ခံစားရတယ်။ ဖြစ်နိုင်ရင် ကျွန်တော် ငယ်ငယ်တုန်းကလို ကျွန်တော်တို့ မိန်းကြီးရဲ့ ပုံရိပ် တွေကို ပြန်လည်နိုးထလာစေချင်ပါတယ်။ တစ်ခါတည်းပါ ….. တစ်ကယ် တစ်ခါတည်းပါ …..

မိုးစက်

13 . 12 . 2007 ( 2:58 AM )