ကျွန်တော် မင်္ဂလာသတင်းတစ်ပုဒ်ကြားလိုက်ရတယ်။ ကျွန်တော် သူငယ်ချင်းရဲ့ အမျိုးသမီး သားဦးရတနာ မွေးဖွားတယ်ဆိုတဲ့ သတင်းပါ ။ အဲဒီသတင်းကို ကြားကြားချင်း ကျွန်တော့် သူငယ်ချင်းဆီ ဖုန်း ဆက်ဖြစ်တယ်။
ဟဲလို… နိုင်လင်းအောင် လား၊
အေး …ဟုတ်တယ်
ငါ ပါ… မိုးစက်ပါ…
အေး သူငယ်ချင်း … အဲဒီမှာ အေးဆေးပဲလား …
အေးဆေးပါပဲ …မင်း သားဦးရတနာလေး မွေးတယ်ဆိုတာ သိရလို့ ဂုဏ်ယူပါတယ်
ဟ… ငါ့မွေးတာ မဟုတ်ပါဘူး၊ ငါ့မိန်းမ မွေးတာပါ…
အေးပါ…ငါ သိပါတယ်...မင်းအမျိုးသမီး မွေးလို့ ဂုဏ်ယူပါတယ်လို့ပြောတာပေါ့ဟ…
အေးကွာ…မင်း ဂုဏ်ယူပါတယ်လို့အပြောခံရဖို့အတွက် ငါ့အမျိုးသမီး ကိုယ်ဝန်စရှိပါပြီ ဆို ကတည်း က ငါ့မှာ ရင်တထိတ်ထိတ်နဲ့ ဖြစ်နေရတာကွ…
ငါ့အမျိုးသမီးက ကလေးမွေးရင် ရိုးရိုးပဲမွေးချင်တာတဲ့လေ… ဒါပေမယ့် နှလုံးအားနည်းတဲ့ အခံ က သူ့မှာရှိနေတော့ ရိုးရိုးမွေးရင် စိုးရိမ်ရတယ်လို့ OG ကပြောတယ်။ ဗိုက်ခွဲမွေးတာ အသင့် တော်ဆုံးပဲတဲ့လေ။ ငါတို့ကိုကလေးတွေအများဆုံးဘယ်နှစ်ယောက်လောက် ယူမလဲလို့ မေး တော့ အများဆုံး ၃ ယောက်ပါပဲလို့ ငါပြောမိလိုက်တယ်။ အဲဒီလိုဆိုရင်တော့ လူကြီးအသက် အန္တရာယ်အတွက် ခွဲမွေးတာ အကောင်းဆုံးပါပဲလို့ ဆိုလာတယ် သူငယ်ချင်းရေ …
ငါ့အမျိုးသမီးက ကလေးမွေးရင် ရိုးရိုးပဲမွေးချင်တာတဲ့လေ… ဒါပေမယ့် နှလုံးအားနည်းတဲ့ အခံ က သူ့မှာရှိနေတော့ ရိုးရိုးမွေးရင် စိုးရိမ်ရတယ်လို့ OG ကပြောတယ်။ ဗိုက်ခွဲမွေးတာ အသင့် တော်ဆုံးပဲတဲ့လေ။ ငါတို့ကိုကလေးတွေအများဆုံးဘယ်နှစ်ယောက်လောက် ယူမလဲလို့ မေး တော့ အများဆုံး ၃ ယောက်ပါပဲလို့ ငါပြောမိလိုက်တယ်။ အဲဒီလိုဆိုရင်တော့ လူကြီးအသက် အန္တရာယ်အတွက် ခွဲမွေးတာ အကောင်းဆုံးပါပဲလို့ ဆိုလာတယ် သူငယ်ချင်းရေ …
အင်း ပေါ့….
အမျိုးသမီးက ဒေါက်တာရှေ့မှာကျတော့ ဘာမှမပြောဘူး…အိမ်လည်းပြန်ရောက်ရော ခွဲမမွေး ချင်ဘူးနော် ကို… ကျွန်မ ကတော့ ရိုးရိုးပဲမွေးမှာပဲတဲ့ …အဲဒီနောက်ပိုင်းဘယ်လိုပဲပြောပြော ဘယ်လိုပဲ နားချချ မရဘူးကွာ။ ဘာလို့ခွဲမမွေးချင်ရတာလဲ ငွေကြေးကြောင့်တော့ မဖြစ်နိုင်ဘူး ဘာလို့လဲဆိုတော့ ငါတို့ကပြေလည်နေတာပဲလေ…ဘယ်လိုမှ စဉ်းစားမရတော့တာနဲ့ သူ့ကို မေးကြည့်တော့ ကျွန်မရဲ့ သားလေး၊ သမီးလေးကို ကျွန်မအသက်နဲ့ ရင်းပြီးပေးဆပ်ကြည့်ချင် လို့ပါ ကို ရယ် တဲ့ …သူက အဲဒီလိုပြောလာတော့ ငါလည်း ဘာပြောလို့ ပြောရမှန်းမသိတော့ တာနဲ့ ရင်တထိတ်ထိတ်နဲ့ ခွင့်ပြုလိုက်ရတယ် သူငယ်ချင်းရာ။ သူမွေးခန်းထဲဝင်သွားတုန်းက လည်း ရွတ်လိုက်ရတဲ့ ဘုရားစာ၊ ဘာလုပ်လို့ ဘာကိုင်ရမှန်းကိုမသိတာ…နောက်ဆုံးအားလုံး အေးဆေးဖြစ်သွားလို့ တော်သေးတယ်ကွာ… အခုတော့ လူကြီးရော..ကလေးရော ကျန်းကျန်း မာမာပါပဲ သူငယ်ချင်း…
အေးကွာ… ၀မ်းသာပါတယ် သူငယ်ချင်း… ဂုဏ်ယူပါတယ်ကွာ …
မိလူစူး ဗိုက်အရမ်းနာလာတယ်ဆိုတာ ကိုယ့်ကိုယ်သိတယ်။ ယောင်္ကျားက အမဲလိုက် သွားတာလည်း ပြန်မလာသေးဘူးလေ။ အဲဒါနဲ့ ကိုယ်ဝန်စရှိပါပြီဆိုကတည်းက ကိုယ်တိုင် ရှာ ထားတဲ့ ကျောက်ဂူဆီကိုသွားဖို့ပြင်လိုက်တယ်။ သွားဖို့ပြင်နေတုန်းမှာပဲ ခါးကလည်း တစ်ဆစ် ဆစ်ကိုက်လာသလို ဗိုက်ထဲကနေလည်း အောင့်တက်လာတယ်လေ။ အဲဒါနဲ့ပဲ ဂူဘေးနားမှာ နေတဲ့ ဖောလူမ ကိုအဖော်အဖြစ်ခေါ်လိုက်မိတယ်။ နှစ်ယောက်သား ဂူထဲကိုရောက်တဲ့ အချိန် မှာ မိလူစူး ဘယ်လိုမှ မနေနိုင်အောင်ကို ဗိုက်ကနာလာပြီလေ…
မိလူစူး ခဏလေးနော် … ငါထင်းသွားရှာလိုက်ဦးမယ် …
မရှာနဲ့ ဖောလူမ … ဂူနောက်ထဲမှာ ငါ ရှာပြီးစုထားပြီးသား …နင်ယူပြီး မီးဖိုလိုက်နော်…
အေး အေး….
ဖောလူမ က ထင်းတွေယူပြီး မီးဖိုဘို့လုပ်နေတယ်။ ဗိုက်ကနာလာတဲ့ အရှိန်ကြောင့်လူက ဘယ်လိုမှ နေလို့ မရတော့ဘူး။ နားထဲမှာတော့ ဖောလူမ ကျောက်ဆစ်ခက်တွေကို ပွတ်တိုက် ပြီး မီးမွှေးနေတဲ့ အသံတွေကို ကြားနေရတယ်…
သားဖွား၊ မီးယပ် အထူးကု
မမအေး … ဒီနေ့လာပြတာ မိုးနည်းနည်းချုပ်တယ်နော် …
ဟုတ်တယ် ဆရာမရေ… ကိုမောင့် အမေအိမ်ဝင်နေလို့လေ…
သြော်…ဟုတ်လား … နေရောကောင်းတယ်နော် မမအေး… ဒီတစ်ယောက်ပြီးတာနဲ့ မမအေး တစ်ခါတည်း ၀င်လိုက်နော်…
မအေးသီတာ ခေါင်းလေးတချက်ငြိမ့်ပြလိုက်တယ်။ မအေးသီတာ အခုလိုကိုယ်ဝန်လာပြတိုင်း တိုကင် ယူနေစရာမလိုဘူးလေ။ ဒေါက်တာရီရီနဲ့ကလည်း ဟိုအရင်ကတည်းက ငယ်သူငယ် ချင်းတွေ၊ တကယ့်ညီအစ်မတွေလိုနေလာခဲ့ကြတာ၊ ဒါတွေကို သူနာပြုဆရာမလေးက သိနေ တော့ မအေးသီတာ ကားလေးဆေးခန်းရှေ့ကိုရောက်လာပြီဆိုတာနဲ့ အားလုံးက အဆင်ပြေ အောင်လုပ်ထားပြီးသားလေ… အခန်းထဲက ကိုယ်ဝန်ဆောင်အမျိုးသမီးထွက်လာတာနဲ့ မအေးသီတာ ၀င်သွားလိုက်တယ်…
အေး …ဘယ်လိုလဲ … ကိုယ်ပေးထားတဲ့ ဆေးတွေမှန်မှန်သောက်ရဲ့လား …
သောက်ပါတယ် ရီ ရယ်… ကိုမောင်ကလည်း သင်္ဘောပေါ်ပြန်မတက်သေးပဲ အေး အနားမှာ ဂရုတစိုက် ဆေးတိုက်ပေးတော့ ပုံမှန်ကို သောက်ဖြစ်ပါတယ် ရီ …..
အိုကေ အေး … ကိုယ် စမ်းသပ်ကြည့်လိုက်ဦးမယ်နော် …
အားလုံးကောင်းပါတယ် အေး … မောင်မောင် ကလည်း ကိုယ်ပေးတဲ့ ဆေးတွေကို ပုံမှန်တိုက် ပေးပေါ့ … ဟုတ်ပြီးလား …
တိုက်ပါတယ် ရီရီ …
ရပြီ အေး … ကိုယ်နောက်လူနာတွေ ဆက်ကြည့်လိုက်ဦးမယ် …
ကိုမောင်မောင် က မအေးသီတာကိုတွဲပြီး အခန်းထဲကထွက်မယ်အလုပ်မှာ ဒေါက်တာရီရီ က
မောင်မောင် ခဏလေး …ပြောစရာရှိလို့ …
ရတယ် ကိုမောင် …ရီ နဲ့ စကားပြောလိုက်လေ… အေး ကားပေါ်ကပဲ စောင့်နေမယ်နော်…
ကိုမောင် အခန်းထဲကိုပြန်ဝင်သွားချိန်မှာ မအေးသီတာ က သူနာပြုဆရာမကို လေးလေးနက် နက်တစ်ချက်ကြည့်လိုက်တယ်။ ဆရာမကလည်း မအေးသီတာရဲ့ အကြည့်ကို သိပြီးသားပဲ လေ …
မိလူးစူး ဒီဘက်ကိုလှည့်လေ … မီးတောက်တွေရှိတဲ့ဘက်ကိုလှည့်လေ ...
ကိုယ်ဝန်ဆောင်တွေ မီးဖွားတော့မယ်ဆိုရင် ကျောက်ခေတ်တုန်းက မိခင်က ကိုယ်ကလေးမွေး မယ့် ကျောက်ဂူကို ကိုယ်တိုင်ကြိုပြီး ရှာထားရတယ်။ ထင်းတွေ စုဆောင်းထားရတယ်။ ကလေးမွေးဖွားတဲ့ အချိန်မှာ မီးတောက် မီးလှန်တွေကို များများမွှေးထားပေးရတယ်လေ။ ဘာလို့လဲဆိုတော့ မိခင်ဟာ မီးတောက်၊ မီးလျှံတွေကိုကြည့်ပြီး ရဲသွေးတွေ တက်ကြွစွာနဲ့ ရင်သွေးကို အားအင်အပြည့် မွေးဖွားနိုင်မယ်ဆိုတဲ့ ယုံကြည်ချက်နဲ့ပေါ့။ ဖောလူမ က မိလူးစူး ရဲ့ ကိုယ်ကို မပြီး မီတောက်တွေဘက်ကို လှည့်ပေးလိုက်တယ်။ မီးတောက်တွေကြည့်ပြီး မိလူးစူး ရှိသမျှ အားအင်းတွေစုစည်းပြီး ရင်သွေးလေး အပြင်ရောက်အောင် ကြိုးစားတယ်။ မီးတွေကလည်း တစ်ဟုန်းဟုန်း တောက်လောင်နေတယ်။ အသက်ရှုသံ တွေကလည် ခပ်ပြင်း ပြင်း၊ လေကိုအားပါတရ ရှိုက်သွင်းလိုက်ပြီး အားအင်အကုန်လုံး ထပ်ပြီး ရင်သွေးဆီကို ပို့လိုက် တယ်… မရဘူး …ဘယ်လိုမှ မရဘူး ….
မိလူးစူး …နင်ဟာက ဘယ်လိုမှ မရဘူးထင်တယ်နော်… အခုထိကို ကလေးက ထွက်မလာ သေးဘူး… ငါ လူးစူးကို သွားခေါ်လိုက်မယ်နော် …
မခေါ်နဲ့ … မခေါ်ပါနဲ့ ဖောလူမ ရယ်… ငါ ရအောင် ကြိုးစားကြည့်ပါ့မယ်… လူးစူးကို မခေါ်ပါနဲ့ နော်…
မျက်လုံးထဲမှာ ရင်သွေးလေးရဲ့ ပုံရိပ်လေးကို ဖော်ကြည့်လိုက်တယ်။ အသက်ကို ပုံမှန်လေး ပြန်ရှုရင်း မီးတောက်တွေကို ကြည့်နေလိုက်တယ် … ကိုက်ခဲနာကျင်နေတဲ့ ခါးအရိုးဆစ်တွေ ရဲ့ ဒဏ်ကိုအံကြိတ်ခံရင်း ပင့်သက်အရှိုက်မှာ အသက်ကိုအောင့်လို့ ရင်သွေးလေးဆီ အားအင် တွေထပ်ပို့လိုက်တယ်… နာကျင်မှုတွေသာ အထပ်ထပ်တိုးလာတယ်။ ရင်သွေးက အပြင်ကို ရောက်မလာဘူး…..
မဖြစ်ဘူး … မဖြစ်ဘူး မိလူးစူး…နင့်ယောင်္ကျား လူးစူးကိုသွားခေါ်မှ ဖြစ်မယ်… နင် နေခဲ့တော့… ငါ လူးစူးကို သွားခေါ်မယ် …
ပြောပြောဆိုဆိုနဲ့ ဖောလူမ ထွက်သွားတယ်။ ဒုက္ခပဲ ငါ…ဘာလုပ်ရမလဲ … ဖောလူမ က လူးစူး ကိုသွားခေါ်နေပြီ။ ငါ့ရင်သွေးလေး … ဟာ…မဖြစ်ဘူး….မဖြစ်ဘူး….
ကုန်ခမ်းသွားတဲ့ အားအင်တွေကို နောက်တစ်ခါ ထပ်ပြီး စုစည်းလိုက်တယ်…
ကိုမောင်မောင် သက်ပြင်းအရှည်ကြီး ချမိတယ်။ ဒေါက်တာရီရီကိုခေါင်းလေးတစ်ချက်ငြိမ့်ပြပြီး အခန်းထဲကနေထွက်လာခဲ့တယ်။ ကားရှိတဲ့ နေရာကိုလျှောက်လာတဲ့ ခြေလှမ်းတွေလေးလံ နေသလိုပါပဲ။ သူနာပြုဆရာမနဲ့ မအေးသီတာတို့ ကားနားမှာ စကားပြောနေကြတယ်။ ကိုမောင်မောင် လည်း ကားအနားရောက်ရော ဆရာမကိုနှုတ်ဆက်ပြီး အိမ်ကိုပြန်လာခဲ့ကြ တယ်။ လမ်းတစ်လျှောက်လုံး နှစ်ဦးသား ဘာစကားမှ မပြောဖြစ်ကြဘူး။ အိမ်ကိုရောက် ရောက် ချင်း မအေးသီတာက စပြီး…
ကိုမောင် … ရီ က ကိုမောင်ကိုဘာပြောတာလဲဟင်…
သြော်…ဘာမှမဟုတ်ပါဘူး အေးရယ်… သင်္ဘောက အဆင်ပြေလား၊ အေး ကမွေးဖွားခါနီးပြီဆို တော့ အရင်ကထက် ပိုပြီး ဂရုစိုက်ဖို့ ပြောတာပါ အေးရယ်…
ဟုတ်ရဲ့လား ကိုမောင် ရယ်… ကိုမောင် မပြောရင်လည်း နေပါ… အေး သိပါတယ်…
ဘာကို သိတာလဲ အေးရဲ့ …
ရီ က အေးရဲ့ နှလုံးခုန်သံနဲ့ နှလုံးသွေးကြောကျဉ်းနေမှုတွေကို မကြိုက်လို့ မွေးဖွားမယ်ဆိုရင် ခွဲမွေးမှ စိတ်ချရမယ်လို့ ပြောတာမို့လာဟင် ကိုမောင် …
အေး ဘယ်လိုလုပ်သိတာလဲ ဟင်…
ကိုမောင်တို့ ဘာပြောတယ်ဆိုတာ သိရအောင်လို့ သူနာပြုဆရာမလေးကို နားထောင်ခိုင်း လိုက်တာလေ …
ကိုမောင်မောင် ဘာပြောလို့ ပြောရမှန်းမသိဖြစ်သွားတယ် … မအေးသီတာရဲ့ လက်တစ်ဘက် ကို နွေးထွေးစွာ ဆုပ်ကိုင်ထားလိုက်မိတယ် …
ကိုမောင်ရယ်… အေးကိုခွင့်ပြုပါနော်…အေး ခွဲပြီးမမွေးချင်ဘူး…နော် ကိုမောင်… အခုခေတ်မှာ ဆေးဝါးတွေ တိုးတက်လာတယ်ဆိုတာလည်း ကိုမောင်အသိဆုံးပါ … ကလေးတစ်ယောက် မွေးဖွားဖို့အတွက် မိခင်က ဘာမှ အားစိုက်ထုတ်စရာမလိုပဲ ဆရာဝန်တွေညွှန်ကြားတဲ့ အတိုင်း မေ့ဆေးလေးရှုလိုက်၊ ပြီးတာနဲ့ မေ့မြောသွားတယ်…ကိုယ် ရင်သွေးလေးကိုဘယ်လို ကိုယ့်ဝမ်း ထဲကနေ မွေးဖွားထုတ်ယူလိုက်တယ်ဆိုတာလဲ ကိုယ်မသိလိုက်ရဘူး၊ မေ့ဆေးတွေ ပြယ် ပျောက်သွားလို့ သတိရလာတဲ့ အခါကျမှ ကိုယ့်ရဲ့ သားလေး၊ သမီးလေးကိုမြင်တွေ့ခွင့်ရတဲ့ မိခင်မျိုးထဲမှာ အေး မပါချင်လို့ပါ ကိုမောင်ရယ် … အေး ကလေ … အေး မွေးဖွားလာတဲ့ သား လေးပဲဖြစ်ဖြစ်၊ သမီးလေးပဲဖြစ်ဖြစ် သူတို့အရွယ်ရောက်လာတဲ့ အခါမှာလေ … သူတို့ရဲ့ လက် ဖ၀ါးလေးတွေကို ကိုင်ပြီး သမီးလေးဆိုရင် … သမီးရယ်… မေမေ ကလေ သမီးကို ဘယ်လို ကိုယ်ဝန်ဆောင်လာရတာ… အစားအသောက်တွေဆိုရင်လည်း ဘယ်လို ရှောင်လာရတာ၊ နောက်ဆုံး သမီးလေးကို မွေးဖွားရတော့မယ်ဆိုတော့လဲလေ မေမေ့ရဲ့ နှလုံးရောဂါကိုတောင် မေ့ထားပြီး အသက်နဲ့ရင်းပြီး သမီးလေးကို မွေးဖွားခဲ့ရတာ သမီးရဲ့ ဆိုပြီး ပြောပြချင်လို့ပါနော်.. နော်.. ကိုမောင်… တကယ်လို့လေ… မီးဖွားပြီးတဲ့ အချိန်မှာ အေး တစ်ခုခုဖြစ်သွားခဲ့မယ်ဆိုရင် မွေးဖွားလာတဲ့ သားလေး၊ သမီလေးကို အေး မပြောလိုက်ရတဲ့ စကားတွေကို ကိုမောင်ကတစ် ဆင့် ပြောပေးပါနော်.. အေး ရဲ့ ဆန္ဒကိုခွင့်ပြုပါနော် … နော် ကိုမောင်…
ကျွန်တော် မှတ်မိသလောက် ဇာတ်လမ်းကြောရိုးကိုယူပြီး ရေးသားထားခြင်းဖြစ်ပါတယ်။ မိခင် တိုင်းဟာ သား၊ သမီးတွေအပေါ်မှာ ထားတဲ့မေတ္တာတရားကတော့ ရိုးရိုးပဲမွေးမွေး၊ ခွဲပြီးတော့ ပဲ မွေးမွေး ဘယ်လိုပဲမွေးမွေးပါ ဘာနဲ့မှ နှိုင်းယှဉ်လို့ရမယ် မထင်ပါဘူး။ ဒါပေမယ့် ပေးဆပ်မှု ခြင်းတော့ မတူကြဘူးလို့ ထင်ပါတယ်။ ကျွန်တော် ဒီဝထ္တုတိုလေးကို ရေးပြီး ဘယ်လိုခေါင်းစဉ် ပေးရမလဲမသိဘူး ဖြစ်နေတယ်။ စဉ်းစားကြည့်တယ်။ နောက်ဆုံး အခုပေးထားတဲ့ ခေါင်းစဉ် အမည်လေးကို စိတ်ထဲမှာ ပေါ်ပေါ်ခြင်းပေးလိုက်ပါတယ်။
13 . 9 . 2007 ( AM 10:56 )
Type the rest of your post here.
